Erninermi ullormusiat – Annertussusaat tunniunneqartarnerilu

Erninermi ullormusiat – Annertussusaat tunniunneqartarnerilu 

Erninermi ullormusiat aningaasaqarnikkut ikiorsiissutaapput, angajoqqaat erninermut atatillugu sulinngiffeqarnerminnut pissarsiarisinnaasaat. Erninermi ullormusianik pisartagassat amerlassusissaannut assigiinngitsunik maleruagassaqarpoq.

Sulinermik inuussutissarsiortuuguit

  • SIK-ip isumaqatigiissutaa malillugu sulisartup ilinniagaqarsimanngitsup 18-it sinnerlugit ukiullip minnerpaatut akissarsiarisartagaata, erninermi ullormusiat amerlaqatigaat. Aningaasat taakku akunnernut sapaatit akunnerini kingullerni 13-ini suliffigisimasavit naleqqatigaat, taamaattoq sapaatip akunneranut akunnerit 40-t tikillugit


Ilinniagaqartuuguit

  • Erninermi ullormusiat ilinniarnersiutivit, sulillutit misiliininni akissarsiavit imaluunniit meeqqamut tapit ilanngullugit tapiissutisiarisartakkavit mannalu tikillugu tigusarsimasavit amerlaqatigaat aamma meerartaannut meeqqamut tapit allat ilaassapput


Namminersortuuguit imaluunniit namminersortumik inooqateqaruit

  • Erninermi ullormusiat sapaatit akunnerini kingullerni 13-ini akunnerit 182-it naleqqatigaat. Tassa sapaatip akunneranut ataatsimut akunnerit 14-t. Isertitatit qaffasinnerusimappata, tamanna assersuutigalugu tunisinermi allagartat atornerisigut uppernarsaasissavat


Aningaasanik tunniussineq
Erninermi ullormusiatit sapaatit akunneri marluk qaangiunnerini tamaasa tunniunneqartassapput.


Malugiuk
Erninermi ullormusiat akileraaruteqaataasussaammata eqqumaffigissavat.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl