Apersortinneq

Apersortinneq  

Apersortinneq isumaqarpoq angerneq, apersortikkuillu uppernarsassavat kristumiusut upperisaqarnerit. Tamatuma ilutigisaanik apersortinneq kristumiut ileqqulersuutigaat, meeraanermit inuusuttunngornermut ikaarsaarnermik malunnartitsisoq.

Nalinginnaasumik atuartut annerit ukiut arfineq-pingajussaat atuarnerisa upernaavani apersortinneq pisarpoq. Apersortiffissat ullui ilagiit sinniisaasa palasillu aalajangiiffigisarpaat.


Piumasaqaatit
Apersortikkumaguit

  • apersortinnissamut piareersarneq malinnaavigisimassavat
  • aamma kuisimassaatit


Meeraallutit kuisissimanngikkuit, apersortinnissat sioqqullugu kuisissinnaavutit. Qanorluunniit ukioqaleraluaraanni kuisittoqarsinnaavoq. Meeraatillugit angajoqqaajusut imaluunniit angajoqqaatut oqartussaassuseqartoq akuersisussaavoq.

Apersortinnissat sioqqulluarlugu oqaluffiup allaffia attavigissavat. Tassunga tunniutissavatit

  • apersortinnissannut allagartaq pigisat apersortinnissap ulluanik ilaqartoq
  • aamma kuisinnermut allagartavit nuutinnera


Apersortinnissamut piareersarneq
Apersortinnissamut piareersarnerup apersortinnissannut piareersartissavaatit taannalu marlunnik imaqarpoq:

  1. Palasimut ajoqimulluunniit kristumiusut upperisamut ilinniartitaaneq
  2. Naalagiarnerit, oqaluffiliartarnermut sungiusseqqullutit


Apersortinnissaq sioqqullugu qasseriarlutit naalagiarsimassanersutit palasip aalajangissavaa. Atuarfimmi skema atukkat malillugu apersortinnissamut atuartitsineq piareersarneqartarpoq. Tamatuma saniatigut atuartitsinerup piareersarneqarnera palaseqarfimmiit palaseqarfimmut assigiinngitsorujussuusinnaavoq.


Allaaserisat attuumassutillit

Palaseqarfik