Akissarsianik nalunaarutiginninneq

Akissarsianik nalunaarutiginninneq 

Ukiut tamaasa januar-i naatinnagu sulisuit ukiumi qaangiuttumi ukiumoortumik akissarsiaat, sulinngiffeqarnermilu akissarsiassai akileraarutigisimasaallu, Sulisitsisut Allattorsimaffianut nalunaarutigissavatit.

Sulisuit akissarsiai, akissarsiaasa allagartaat, ukiumoortumillu akissarsiaasa annertussusaat Sulisitsisut Allattorsimaffianut nalunaarutigissavatit.

Paasissutissaatitit qarasaasiakkut, internet-ikkut nassiussinnaavatit. Paasissutissanik nassitsinissannut isissutissannik Sulisitsisut Allattorsimaffianut saaffiginninnikkut tunineqassaatit. Isissutissat taanna Sulisitsisut Allattorsimaffiata nittartagaanut isernissannut atussavat. Internet-ikkut nalunaarutissatit qanoq ingerlatissaneritit ilitsersorneqassaatit.

Akissarsiat allagartaat ukiumoortoq ”A11”, sulisoq pillugu paasissutissanik imaqassaaq, akissarsiat, akissarsianillu akileraarutit allanneqassallutik. Akissarsiap allagartaanissaaq aningaasarsiat B-t assigiinngitsut, ajunngitsorsiat, soraarnerussuteqalernissamut sulisitsisup akiliutai nalunaarneqassapput. Ajunngitsorsiat tassaasinnaapput akeqanngitsumik ineqarneq, nerisaqarneq ineqartitaanerlu, angalaneq, bil-eqartitaaneq oqarasuaateqartitaanerlu.

Akissarsiarititanut nalunaarut ”A10” sulisut tamarmik akissarsiaasa annertussusaannik, akissarsiallu allagartaasa amerlassusaannik nalunaarsuiffiussaaq.

Akissarsiat allagartaasa annertussusaasalu immersornissaat nalunaarutiginissaallu sulisitsisup pisussaaffigai.


Malugiuk
Piffissaagallartillugu sulisitsisut akissarsiat allagartaannik annertussusaannillu nalunaaruteqanngippata, akileraarutissat A-t, sulisoqarnermullu akitsuutit (AMA), annertussusaat Sulisitsisut Allattorsimaffianit missingersorneqassapput.

Piffissaagallartillugu paasissutissanik nassiussisimallutit tuavisaarummik nassitsikkuit Sulisitsisut Allattorsimaffianut nalunaarutigissavat. Piffissaagallartillugu paasissutissanik nassiussisimanerit uppernarsarniarlugu fax-ikkut mail-ikkulluunniit nassiussissaatit. Uppernarsarsinnaagukku piffissaagallartillugu nalunaarsimallutit, tuavisaarut atorunnaassaaq.


Allaaserisat attuumassutillit

Akileraartarnermut Aqutsisoqarfik
Sulisitsisut Allattorsimaffiat
Postboks 1604
3900 Nuuk

Oqarasuaat: +299 34 50 00
Fax: +299 34 65 77
E-mail: sulinal@nanoq.gl
Nittartagaq: sulinal.nanoq.gl