Kalaalimineerniarfik – Nalinginnaasumik paasissutissiineq

Kalaalimineerniarfik – Nalinginnaasumik paasissutissiineq 

Kalaalimineerniarfik tassaavoq piniartut aalisartullu pisaminnik tuniniaavigissallugu periarfissaat. Kikkut tamarmik kalaaliminernik kalaalimineerniarfimmi pisisinnaapput. Ukiup kaajallakkiartornerata ilaa aallaaniarfissallu nalaa aallaavigalugit nioqqutissat allanngorartarput.

Kommune ingerlatsinerup eqqiluisaarnerullu inatsisit malillugit ingerlanneqarneranut akisussaasuuvoq. Neqitalinnut nakkutilliisut (Veterinærmyndighederne) kalaalimineerniarfimmi neqi tuniniarneqartoq misissorneq ajorpaat.

Kalaalimineerniarfiit ataasiakkaat ammasarfii assigiinngillat. Ammasarfiit pillugit paasisaqarnerorusukkuit kommunerisannut saaffiginnissinnaavutit.


Malugiuk
Kalaalimineerniarfimmi nioqqutissanik piareersariikkanik tuniniaasoqaqqusaanngilaq. Assersuutigalugit tassaasinnaapput aalisakkat pujuukkat panertulluunniit imaluunniit neqi.

Allaaserisat attuumassutillit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl