Tunisassianik ineriartortitsinermut immikkoortitat – Nalinginnaasumik paasissutissiineq

Tunisassianik ineriartortitsinermut immikkoortitat – Nalinginnaasumik paasissutissiineq 

Inuussutissarsiutitigut suliniutit ineriartornissamut periarfissaqartut assigiinngitsutigut siuarsarnissaat siunertaralugu immikkoortitanik Namminersorlutik Oqartussat pilersitsinikuupput. Immikkoortitat taaguuteqarput Tunisassianik ineriartortitsinermut immikkoortitat, aningaasanullu inatsisinik tunngaveqarlutik. Tamanna isumaqarpoq nunami inuussutissarsiutinut takornariartitsinermullu siuarsaaqataasunut ingerlatanut Namminersorlutik Oqartussat ukiut tamaasa aningaasanik immikkoortitsisassasut.


Tunisassianik ineriartortitsinermut immikkoortitani tunisassiavit ineriartortinnissaannut pisariaqartunut ingerlatat pisiniarnerillu aningaasatigut tapersiiffiginissaat pillugit qinnuteqarsinnaavutit. Tassani assersuutigalugit tassaasinnaapput:

  • Angalanerit najugaqarnerillu
  • Siunnersortinik atuineq
  • Tunisassiornermi atortunik qarasaasianillu pisiortorneq


Pilersaarutivit ineriartortinneranut atatillugu nalunaaquttap akunnerinik nammineq atuinernut aamma tapiiffigitinnissannut qinnuteqarsinnaavutit. Tamannalu killeqartumik annertussuseqarpoq.


Tunisassianik ineriartortitsinerit tassaasinnaapput:

  • Tunisassianik ineriartortitsineq inerisaaqqinnerlu, kaaviiaartitanik tunisanillu annertunerulersitsisinnaasut
  • Nioqqutissanik, sullissinernik ingerlatsinernillu ineriartortitsineq inerisaaqqinnerlu
  • Tunisassiornermi atortunik, sakkunik aaqqissuussinernillu ineriartortitsineq inerisaaqqinnerlu
  • Nioqqutissanik, sullissinernik ingerlatsinerni, tunisassiornermi atortunik, sakkunik aaqqissuussinernillu inerisarneqarsimasunik nittarsaaneq
  • Tunisassiap ineriartortinnissaanut pilersaarut pillugu aalajangiinissamut tunngavissamik pilersitsinissamik siunertaqartunik siunnerfilinnillu misissueqqaarnerit, tassunga ilanngullugit pilersaarusiorneq missingersuusiornerlu
  • Takornariartitisinermik inuussutissarsiutip iluani sanaartornernut aningaasaliinerit


Malugiuk

Tunisassianik ineriartortitsinermut missingersuutivit 50 %-ii tikilllugit Namminersorlutik Oqartussat tapiissuteqarsinnaapput. Tapiissutinik pissarsiniarlutit aningaasat sinneri nammineq aningaasaliiffigissavatit. Nammineq aningaasaliinerit aningaasanit ukunannga assersuutigalugu pissarsiarineqarsinnaapput:

  • Aningaasaateqarfiit
  • Nunani tamalaani immikkoortitat
  • Nammineq ileqqaakkat


Namminersorlutik Oqartussani immikkoortitat imaluunniit kommunit immikkoortitaat allat nammineq aningaasaliinertut atorneqarsinnaanngillat.

Allaaserisat attuumassutillit

Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik
Imaneq 1A 301
Postboks 1601
3900 Nuuk

Oqarasuaat: (+299) 34 50 00
Fax: (+299) 34 63 64
E-mail: isiin@nanoq.gl
Inuussutissarsiorneq pillugu nittartagaq: businessingreenland.gl
Nittartagaq: www.naalakkersuisut.gl