Tunisassianik ineriartortitsinermut immikkoortitat – Naammagittaalliorneq

Tunisassianik ineriartortitsinermut immikkoortitat – Naammagittaalliorneq 

Inuussutissarsiutitigut suliniutit ineriartornissamut periarfissaqartut assigiinngitsutigut siuarsarnissaat siunertaralugu immikkoortitanik Namminersorlutik Oqartussat pilersitsinikuupput. Immikkoortitat taaguuteqarput Tunisassianik ineriartortitsinermut immikkoortitat, aningaasanullu inatsisinik tunngaveqarlutik. Tamanna isumaqarpoq nunami inuussutissarsiutinut takornariartitsinermullu siuarsaaqataasunut ingerlatanut Namminersorlutik Oqartussat ukiut tamaasa aningaasanik immikkoortitsisassasut.

Tunisassianik ineriartortitsinermut immikkoortitaniit tapiissutisiniaraanni siullermik tamanna pillugu qinnuteqassaatit. Qinnuteqaatit itigartinneqarsimappat naammagittaalliuuteqarsinnaavutit.

Suliamik suliarinninneq sukkasuumik ingerlasinnaaqqullugu naammagittaalliuutit minnerpaamik makkuninnga imaqassaaq:
  • qinnuteqaatip assilinera 
  • itigartitsinerup assilinera
  • itigartitsinerup sooq kukkusuuneranik tunngavilersuut
  • attaveqarfissat pillugit paasissutissat

Naammagittaalliuut allaganngorlugu Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmut nassiunneqassaaq.

Naammagittaalliuutit Inuussutissarsiornermut, Aatsitassaqarnermut Suliffeqarnermullu Naalakkersuisoqarfimmit suliarineqassaaq. Naalakkersuisoqarfik annertunerusumik apeqqutissaqarpat attavigineqarumaarputit.

Ilinnut tunngasoq suliaq suliarineqareerpat naammagittaalliuutit pillugit akissutisissaatit.

Allaaserisat attuumassutillit

Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik
Imaneq 1A 301
Postboks 1601
3900 Nuuk

Oqarasuaat: (+299) 34 50 00
Fax: (+299) 34 63 64
E-mail: isiin@nanoq.gl
Inuussutissarsiorneq pillugu nittartagaq: businessingreenland.gl
Nittartagaq: www.naalakkersuisut.gl