Atuilluartuunissamut suliniut

2020-mi Issittumi atuilluartuulluni inuiaqatigiit maligassiuinissamut Qeqqata Kommunia aallarnisaasuunissarput takorluugaraat.

Qeqqata Kommuniata takorluugaa 

2020-mi Issittumi atuilluartuulluni inuiaqatigiinnut maligassiuinissaminut Qeqqata Kommunia aallarniinissani takorluugaraa.

 

Atuilluartuunissaq pineqartillugu oqaaseq siammasissuuvoq, Qeqqata Kommunianilu atuilluartuunissatsinni, inuiaqatigiinni atukkavut ’tigunerinit’ kinguaariit tulliinut, pitsaanerusumik atugassaqartitsilluta ingerlatitseqqinnissarput kissaatigaarput. Tamatuma angunissaani siammasissumik ataavartussanillu pitsanngorsaanissarput pingaaruteqarpoq. Taamaattumik Kalaallit Nunaanni inuiaqatigiinni atuilluartuunermik pilersitsissagaanni imminnut atalluinnarlutik pingaarnertut immikkoortut pingasut – ilinniartitaaneq, isumaginninneq avatangiisillu – Qeqqata Kommuniata toqqarpai. Ataatsimut isiginnilluni pingaarnertut immikkoortortat taakku pingasut iluini, kommunalbestyrelsi ineriartortitassatut suliniutinik arlalinnik pingaarnersiuinikuuvoq. Taakku pimoorullugit ingerlanneqarput, taakkunanilu akimortumik suleqatigiinnissaq, innuttaasunik akuutitsinissaq, nammineq kajumissutsimik suleqataanissaq pingaartinneqarlutik.

Atuilluartuunissamik suliniutinut agguaatassiat 

Atuilluartuunissamik suliniut kommunimi innuttaasunut tamanoortuuvoq. 

Atuilluarnissamik suliniummi innuttaasut akuutinneqarnerat innuttaasut namminneq suliniutaannik soorlu assersuutigalugu isumaginninnikkut suliniutinik, ilinniartitaanermut suliniutinik, sunngiffimmi sammisanut akimortunik imaluunniit avatangiisinik pitsanngorsaanermik pissasoq ilimagaarput.  

Agguaatassanut malittarisassanullu aalajangersimasunut suliniutinut aningaasanik atuilluarnissamut aningaasaliissutit aqqutigalugit qinnuteqarsinnaavutit - uani qinnuteqarfissaq aaguk.

Qinnuteqarnissamut killiliussaq: 1. oktober aamma 1. april

Oqaluttuatsialaat - Kommunip tapernikuusaata ilaat  

2012-imit 2015-imi oktobarip qaammataata tungaanut Qeqqata Kommunia atuilluartuunissaq pillugu suliniutinut 33-nut aningaasatigut tapiissuteqarnikuuvoq, suliniutinullu taakkununnga 33-nut innuttaasut ilaatigut nerisassiassat nutaarluinnaat atorlugit foodfestivalertitsineq, naatsiianik/naatitanik naatitsiviit, sukuutsertarfik allarpassuillu. 

Uani ilaatigut atuilluartuunissamut suliat kommuunip atuilluartuunissamut aningaasaateqarfik aqqutigalugu tapersimasaasa ilai pillugit atuagaqarsinnaavutit.Oqaluttuatsialaat.

Atuilluartuunissamik suliniutinut agguaatassiat - siunertaq, piumasaqaatit aalajangersakkallu 

Siunertaq
Qeqqata Kommunia 2020-mi inuiaqatigiinni atuilluartuunissanimik anguniagaqarpoq. Tamatumunnga atatillugu atuilluartuunissamik suliniutinut agguaatassianik immikkoortitsisoqarnikuulluni. 

Atuilluartuunissamik suliniutinut agguaatassiatigut siunertaavoq, innuttaasut, peqatigiiffiit suliniaqatigiiffiillu kajumissutsimikkut suliniutaat tapersersussallugit, tassa inuiaqatigiit imminnut napatilluarsinnaasut kissaatigalugit suliniuteqarfigippatigit. 

Atuilluartuunissamik suliniutinut agguaatassiat ukiumut marloriarluni oktobarip 1-ani apriilillu 1-ani qinnutigineqarsinnaassapput.

Tapiissuteqarsinnaanissamut piumasaqaatit aalajangersakkallu 
Tapiissutit tunniunneqarsinnaassassapput matuma kinguliani piumasaqaatini ataaseq arlallilluunniit naammassineqarsimappata: 

 

  • Suliniutit atuilluartuunissamik ersarissumik siunertaqarpata. Atuilluartuunissaq imartuujuvoq, taamalu isumaginninnermik, ilinniartitaanermik, teknikkimik, avatangiisinik imaluunniit inuutissarsiuteqarnermik pingaartitaqartuussinnaallutik. Imaluunniit taakkunannga arlallit imarisinnaallugit.
  • Suliniutit ataatsimuussutsimik pilersitsinissamut ilapertuutaasinnaasut. 
  • Suliniutit innuttaasunik immikkut pisariaqartitsisunik akuutitsilluartut. 
  • Suliniutit peqataasunut peqqinerulissutaasinnaasut. 
  • Suliniutit peqataasut ilisimasaasigut ilinniagaqarnermikkulluunniit iluaqutigisinnaasaat. 
  • Suliniutit illoqarfinni/nunaqarfinni nunaannarmiluunniit avatangiisinik pitsaanerulersitsisinnaasut. 

Piumasaqaatit allat: 

  • Suliniutit peqatigiiffinnik kajumissutsimikkut suliniuteqaqaataasut, peqatigiiffiilluunniit akornanni kajumissutsikkut suliniuteqaateqarfiusut. 
  • Suliniutit atuilluartuuunissamik paasititsiniutaaffiusut (soorlu paasititsiniaaniutit). 
  • Suliniutit, siunnerfinnut atuilluartuunissamilluunniit suliniutitut nutaamik eqqarsalersitsisinnaasut. 
Tulliuttunut tapiissuteqartoqarsinnaanngilaq: 
  • Akissarsiatigut ingerlatsinikkullu aningaasartuutinut. Suliniutit kajumissutsimik soqutiginninnermillu aallaaveqassapput, taamaattumillu aningaasatigut iluanaarniutaasussaanatik. Peqatigitillugu imminnut akilerluarsinnaasuussapput, imatut paasillugu, akissarsiaqartitsinani suliarineqassasut, taamalu kommunip ataatsimoortumik missingersuutaasigut sunniuteqartussaasussaanatik. Taamaattorli aallarnisarnermi immikkut pisoqarsinnaalluni. 
  • Pisortat suliffiutaat 
  • Kajumissutsimik suliniutaasussaapput, siulersuisut sulinerinik aallaveqartussaallutik. 
  • Suliniutinut kiisalu politikkikkut, upperisarsiornikkut, aliikkusersuinertigut iluanaarniarnermilluunniit peqatigiiffiit siunertallit. 
  • Nuna tamakkerlugu suliniutit.

Atuilluartuunissamik suliniutinut agguaatassiassanut qinnuteqarit 

Atuilluartuunissamut suliniutinut agguataarsiassanut ugguuna qinnuteqarsinnaavutit.