Kommunimi pilersaarut

Ukiuni aggersuni Kommunalbestyrelsip suut ineriartortikkusunnerai kommunip pilersaarusiorneqarnerani nassuiarneqarput. Illoqarfitsinni nunaannarmilu pitsaassutsit suut inerioartortikkusutatsinnut paariinnarusutatsinnullu kommunip pilersaarusiorneqarnera ilaassapput, ilutigitillugu inuutissarsiornikkut ineriartortitsinermut periarfissiisoqassaaq, aningaasaqarnikkut imminut nappassinnaanermut ilapertuutaasussamik.

Pilersaarutimut nittartagaq

Qeqqata Kommunia tunniussassalerujussuuvoq: Pinngortitarsuaq kusanartoq, kulturikkut nalissaqanngitsut, sinerissami nunaminertat, tatsit, uumasorpassuit kiisalu illoqarfiit avatangiisigissaartut. Kommunerput Kalaallit Nunaata kitaata qeqqani immikkoortunut nunanullu tamalaanut tunngatillugu qitiusumik inissisimalluarpoq. Naggataatigut Qeqqata Kommunia nuuffissaqqissuuvoq, tamatumani ilinniarnissamut periarfissanik amerlasuunik peqarluni. Pitsaassutsit tamakku inernerivaat, kommunip siunissami ineriartornissaanut aallaavissaq pitsaasoq.

Ukiuni aggersuni Kommunalbestyrelsip suut ineriartortikkusunnerai kommunip pilersaarusiorneqarnerani nassuiarneqarput. Illoqarfitsinni nunaannarmilu pitsaassutsit suut inerioartortikkusutatsinnut paariinnarusutatsinnullu kommunip pilersaarusiorneqarnera ilaassapput, ilutigitillugu inuutissarsiornikkut ineriartortitsinermut periarfissiisoqassaaq, aningaasaqarnikkut imminut nappassinnaanermut ilapertuutaasussamik.

Taakku saniatigut pilersaarutip periarfissai qanoq atorluarnissaanut uagut Qeqqata Kommuniani innuttaasutut malittarisassat periarfissallu suut ilisimasassagut nassuiarneqarput.

Kommunimi pilersaarut manna Qeqqata Kommuniani nutaajusumi siulliuvoq, aammalumi kommunimi pilersaarutit digitaliusut siullersaralugu. Taamaaliornitsigut atortussat 300-t sinnerlugit quppernillit innuttaasunut soqutiginnittunullu allanut ajornaat-sunngortinnissaannut alloriarneq siulleq alloriarnerivarput – Kalaallit Nunaat allaallumi nunarsuaq tamakkerlugu.

Kommunimi pilersaarut kommunalbestyrelsimi 2012-imi oktobarip 25-ani inaarutaasumik akuersissutaavoq, 2012-imilu decembarip 20-ani tamanut takusassiarineqarluni.