Ilinniartoq naapiguk

Ukiut pingasut affallu missaani Qeqqata Kommunianiani ilinniartuuneq arlalinnik misilittagaqarfiuvoq.

Ukiut pingasut sinnilaarlugit immikkoortortaqarfiit sisamat 

Steffen Heilmann 1. August 2012 Maniitsumi Qeqqata Kommuniani allaffimmiutut ilinniartunngorpoq.

Ilinniartoq maannakut Maniitsumi Qeqqata Kommuniani akissarsialeriffimmi allaffimmiutut ilinniartuusoq ukiut pingasut affarlu missaat matuma siorna ilinnialeqqaaramili immikkoortortaqarfiit assiigiinngitsut sisamat misilittagaqarfigilereerpai.
- Immikkoortortaqarfiit aqqusaarnikuuakka ilaatigut, innuttaasunut sullissivik, naatsorsuusiorfik, teknikkeqarfik maannalu akissarsialeriffik.

Takorluukkamit allaanerusoq 

Steffen Heilmannip ilinniartunngunnginnermi takorloortarsimavaa Qeqqata Kommunia allafferujussuummat suliffimmik misiliileruni ulapittassaqaluni, allaat suliaminik kinguuttoortarsinnaalluni.

- Misiliininni takorluukkannut uniuuttoqaaluppoq, taamak ulapitsigineq ajorama ilinniartuuneralu peqqutaalluni suliarisinnaasakka killeqarmata. Taavalu misiliinera tamaat ilinniartut qaangiuttooqqusaanata arkiveeriinerillu arlallit suliassaasarmata, Steffen Heilmann suliffimmik misiliinini pillugu oqaluttuarpoq.

Steffen Heilmannilli aamma naqissuserpaa suliffimmi misiliinermi immikkoortortaqarfiit assigiinngitsut aqqusaarsimaneranni immikkoortortaqarfinni suleriutsit suliassiisariaatsillu assut assigiinngimmata.
- Misiliininni nammineq misigisakka assigiinngeqaat, Maniitsumi immikkoortortaqarfiit ilaannit pimoorunneqarlunga ilinniartitaavunga, immikkoortortaqarfiillu ilaanni pimoorunneqannginnerullunga, Steffen Heilmann naggasiivoq.

Siunnersuutitsialaat 

Steffen Heilmannip siunissami Qeqqata Kommuniani ilinniarlersussanut siunnersuutigerusuppai:

• Immikkoortortaqarfinni misiliiffimminni suleriuseq pulaffiginiapallattarnissaa
• Ilinniartutut aallartilernermi piumasarineqassasoq suliffimmi misiliinermi pimoorunneqarnissaq ilinniartinneqarluarnissarlu
• Apeqqutissaqaraangamik apersortarnissaq, sapinngisamik allaffimmiutut suliassanik taavalu saaffiginnittunik sullissinermi

Steffen Heilmann

+299 70 21 00

Qeqqata@qeqqata.gl