Inatsisit akuersissutillu

Akuersissutit aalisarnermu, piniarnermut, nunami campertittinermut aammalu heliski tunngaveqarput ingerlatsinermut suliffeqarnermut aammalu periarfissanik annertusineq, atortoq taanna pitsanngorsassaaq siuarsarlugulu suleqatigiinnikkut takornariaqarnermik suliaqartartunik, unammilleqatigiinneq ajunngitsoq atorlugu.

Nunaminertat akuersissuteqarfiit 

Takornariaqarnermut annertusiartortumut Qeqqata Kommunia ineriartortitsinermik nukittorsaaniarpoq. Immikkoortunut assigiinngitsunut takornariaqarnermik ingerlatsisunut akuersissutinik tunniussisoqartarnissaa sulissutigineqarpoq. Ingerlatsisunut pitsaanerusumik aningaasaliisoqartarnissaanik akuersissutit pilersitseqataasarput, taakkulu saniatigut inuiaqatigiinnut iluaqutaasumik immikkoortunik atuinerit qulakkeerneqassallutik.

Akuersissutit aamma qulakkiissavaat, ullutsinni takornariaqarnermut angalaartitsisarnerit piniarnernik aammalu qaqqani angallattarnerit ileqqut ataatsimoortillugit:

  • Eqalunniartarfinni takornarissanik aalisariartitsineq
  • Tuttunik umimmannillu tammajuitsussarsiniarluni piniarneq
  • Sisoraatinik takornariartitsineq
  • Qulimiguulimmit sisorariartitsineq
  • Misigisassarsiorluni takornariartitsineq
  • Allat

Pitsaalluinnartunik takornariartitsinissamik nioqquteqarnermik ujartuisoqarneranik akuersissutit atorluarneqassapput. Pitsaalluinnassuseq sillimanermut attuumassuteqarluinnarpoq, taamaalilluni takornariat misigisassarsioriarlutik ungasissumit tikittut misigisassaqartinneqassallutik.