Maniitsumi Pilersitsivik ikiortissarsiorpoq

Qeqqata Kommuniani Maniitsumi Majoriaq-mi Pilersitsiviup igaffiani ikiortitut atorfik inuttassarsiorneqarpoq
Qinnuteqarfissaq kingulleq:
7. april 2017
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. maj 2017
Akissarsiat:
Isumaqatigiissutit malillugit

Maniitsumi Pilersitsivik ikiortissarsiorpoq 

Majoriaq Maniitsup ataani Pilersitsivik inissisimavoq, inuusuttunut qulinut 15-29-nik ukiulinut sannavittaani atuartuuteqartarluni aammalu inuusuttunut qulinut 15-29-nik ukiulinnut igaffittaani atuartuuteqartarluni . Pilersitsivimmi atuartuuteqarneq inuusuttuaqqanut sammitinneqartarpoq.

Sannavimmi sulisut tassaapput ilinniartitsisoq ataaseq, ikiortilu ataaseq. Igaffittaani sulisut aamma tassaapput ilinniartitsisoq ataaseq, ikiortilu ataaseq. Sulisut tamarmik piffissaq tamakkerlugu atorfeqartuupput.

 

Suliassat akisussaaffiillu annerusumik makuupput:

  • Inuusuttuaqqat meeqqat atuarfiiniit naammassereerlutik unittoornikut, suliffeqalernissaat ilinniakkamilluunniit aallartitsinissaannik ilitsersorlugillu tapersersussallugit

  • Pilersitsivimmi atugarisat nuannersuunissaat qulakkiissallugu.

  • Pilersitsivimmi maleruagassat atuartunit malinneqarnissaat qulakkiissallugu

 

Piginnaasat makku piumaneqarput:

  • Sanasutut, igaffimmiutut, inunnik sullissisutut taakkununngaluunnit assingusumik ilinniagaqartuussasutit

  • Inuusuttuaqqanik 15-29-illu akornanni ukiulinnik sullissinermik misilittagaqartuusutit

  • Inuusuttuaqqanik nuannarisaqartuusutit

  • Angajoqqaanik suleqateqarluarsinnaasutit

  • Aalajaatsuusutit akisussaassuseqartuullutillu, sulinermilu namminersorsinnaassuseqarluartutit

 

Qinnuteqartumut piumasaqaatit

  • Inuusuttuaqqanik sullissinermi misilittagaqartutit

  • Igaffimmi sannavimmiluunniit sulinermik misilittagaqartutit

  • Timikkut tarnikkullu pisinnaalluartuusutit.

 

Neqoroorutigisinnaasarput tassaavoq:

Suliffimmi ineriartortumi akisussaaqataaneq, kiisalu nammineq inuttut sulianullu tunngassutilinni peqataallutit ineriartortitseqataaffigisinnaasat.

Akissarsiat atorfeqarnermilu atugassarititaasut 

Akissarsiat sulinermilu atugassarititaasut Naalakkersuisut aamma S.I.K isumaqatigiissutaa naapertorlugit aaqqinneqassapput.

Inissaqartitsisoqanngilaq.

Atorfininneq pissaaq 1. maj 2017 imaluunniit isumaqatigiinnikkut.

Pineqaatissinneqarsimannginnermut uppernarsaat

Atorfiit pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiupput. Inatsit naapertorlugu kommuni pineqaatissinneqarsimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit pineqaatissinneqarsimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Pineqaatissinneqarsimannginnermut uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

Atorfik pillugu annerusumik paasissutissat pisortamut Bitten Heilmann-imut oqarasuaat (+299) 81 7253, e-mail: bitt@qeqqata.gl saaffiginninnikkut pineqarsinnaapput.

Qinnuteqaat soraarummeersimanernut uppernarsaatit assilinerinik, imminut ilisaritinnermik, CV, oqaaseqaatinik attuumassuteqarsinnaasunilluilalerlugu tigoreersimassavarput ulloq 7. april 2017-mi.

Qinnuteqaat uunga nassiunneqassaaq 

Qeqqata Kommunia
HR Afdeling
Postboks 1014

3911 Sisimiut
E-mail: job@qeqqata.gl
Web: www.qeqqata.gl

Attavissaq:

Bitten Heilmann

(+299) 81 72 53

bitt@qeqqata.gl