Tusagassiutitigut nalunaarut: Ilinniartitaanerup ataqatigiissaartup Qeqqata kommuniani meeqqat inuusuttullu atuilluartuunerulersissavai

Qeqqata Kommuniani atuilluartuunissamik suliniuteqarnermi pilersaarusioqatigiissitat arlallit meeqqat atuarfianik meeqqerivinnillu pitsanngorsaanissamik sammisaqarput. Sisimiuni innuttaasut pilersaarusioqatigiissitamit suliap ingerlateqqinneqarnissaanut pilersaarutinik saqqummiivigineqassapput, ilanngussinissaminnullu periarfissaqassallutik. Lokalradiokkut oqallitsitsinikkut katersortarfimmilu innuttaasunik ataatsimiisitsinikkut sapaatip akunnerini pingasuni ingerlanneqassalluni.
14. januar 2013

Qeqqata Kommuniani atuilluartuunissamik suliniuteqarnermi pilersaarusioqatigiissitat arlallit meeqqat atuarfianik meeqqerivinnillu pitsanngorsaanissamik sammisaqarput. Sisimiuni innuttaasut pilersaarusioqatigiissitamit suliap ingerlateqqinneqarnissaanut pilersaarutinik saqqummiivigineqassapput, ilanngussinissaminnullu periarfissaqassallutik. Lokalradiokkut oqallitsitsinikkut katersortarfimmilu innuttaasunik ataatsimiisitsinikkut sapaatip akunnerini pingasuni ingerlanneqassalluni.



Januaarip 16-ianiit 18-iata tungaanut Sisimiut Tusaataat oqallitsitsinernik pingasunik aallakaatitsissaaq, kommunimi ilinniartitaaneq ataqatigiissaartup qanoq pilersinneqarnissaanut atuartut, angajoqqaat, suliamik ilisimasallit politikerillu assigiinngitsutigut oqallitsinneqassallutik. Januaarip 16-iani meeqqeriviit oqallisigalugit oqallissineq aallartinneqassaaq. Meeqqerivitsialak, angajoqqaat meeqqeriviillu akunnerminni suleqatigiinnerat ilaatigut oqallisigineqassallutik. Sisamanngorneq januaarip 17-iani oqallissaarinermi meeqqat atuarfiat kommunimilu meeqqat atuarfiat atuilluartoq qanoq pilersinneqarsinnaanersut oqallissaarutigineqassallutik. Oqallissaaraluni aallakaatitassiat tallimanngornermi januaarip 18-iani naggataarneqassapput, meeqqat pitsaanerusumik angusaqarnissaannut pilersitsinissamut angajoqqaat akisussaaqataanerat oqallisigineqassalluni.

Radiokkut aallakaatitassiat Sisimiuni, Maniitsumi nunaqarfinnilu nal. 15:00-imiit 16:00-ip tungaanut aallakaatinneqartassapput, taamaalillutik kommunimi innuttaasut tamat malinnaanissaminnut periarfissaqassallutik.



Sisimiuni innuttaasunik ataatsimiisitsineq

Arfininngorneq januaarip 19-iani Sisimiuni innuttaasut katersortarfimmut ataatsimiigiarnissamut aggersarneqarnerannut, oqallissaaraluni aallakaatitassiat aallarniutaassapput. Angajoqqaat akisussaanerat, Meeqqerivitsialak, ulloq naallugu atuarfeqarnermut, meeqqat atuarfiini meeqqerivinnilu qarasaasiaqarneq kiisalu nunaqarfinni atuartunut atuarfik najornagu atuartitsineq pillugit suliniut innuttaasut paasisaqarfigisinnaavaat.

Innuttaasunik ataatsimiisitsineq nal. 14:00 aallartissaaq.



Kommuni meeqqanik inuusuttunillu siusissumik suliniuteqartarnissaa Borgmesterimit Hermann Berthelsenimit pingaartinneqarpoq.

- Meeqqerivinniit, meeqqat atuarfianiit ilinniarfinniillu ilinniartitaanermik ataqatigiissaagaasumik pilersitsinissaq 2020-mi atuilluartuunissamut pingaaruteqarpoq. Meeqqat inuusuttullu atuilluartut eqqartorneqaraangata, pineqartartut tassaapput inuit ataasiakkat inuiaqatigiinni ullutsinni inuunermut peroriartornermi ilinniagaqarnerminnilu nammineersinnaasut. Pimoorussilluta atuilluartuuniarutta, taava inuusuttut amerlanerusut ilinniagaqartariaqarput, tamassuminngali siusinaartumik ataqatigiittumillu suliaqarnissarput piumasaqaataavoq, taamak oqarpoq.



Tallimanngorneq januaarip sisamaani Sisimiuni meeqqat atuarfiini ilinniartitsisut suliniutinik assigiinngitsunik saqqummiivigineqarput. Qaammatip ingerlanerani atuarfinnit atuartut angajulliit aamma pilersaarusioqatigiinnit saqqumiivigineqassapput. Kommunip atuilluartuunissaanut suliniummut innuttaasut peqataatinneqarnissaannut tamakku tamarmik suliniutinut ilaapput.

Maniitsumi innuttaasut januaarip 24-ani Oqaluffitoqqap eqqaani aaqqissuussami atuilluartuunissamut suliniutit assigiinngitsut paasisaqarfigisinnaavaat.



Annertunerusumik paasissutissat

Sisimiuni Ilinniartitaanermut pisortaq Sisimiut Axel Lund Olsen, e-mail: axol@qeqqata.gl imaluunniit oqarasuaat (+299) 86 73 80

Borgmester Hermann Berthelsen, oqarasuaat 527556