Suliariumannittussarsiuussineq

Suliariumannittussarsiuussisarnermut inatsit naapertorlugu suliariumannittussarsiuussisarnermut tunngasut kommunip tamanut saqqummiuttussaavai.

Tamanna aviisitigut, allagarsiussinikkut matumuunalu quppersakkakkut pisassaaq.

Suliariumannittussarsiuussineq kommunip sanaartornermut immikkoortotaqarfia peqatigalugu suliariumannittussarsiuussineq ingerlappagit, tamakku matumani quppernermi takusinnaassavatit.

Paasissutissat allat
Kommunimi suliariumannittussarsiuussinermut malittarisaasatigut arlaatigut apeqqutissaqaruit, Sisimiut Kommuneat attaviginissaanut tikilluaqqusaavutit.

Kommunip siusinnerusukkut suliariumannittussarsiuussimasai takorusukkukkit, sulianut toqqorsivimmi tamakku nassaarisinnaavatit.

Qeqqata Kommuniani Sisimiuni Takornarissanut illuaqqat ingerlanneqarnerinut aserfallatsaalineqarnerinullu suliariumannittussarsiuussineq 

Qeqqata Kommuniani Sisimiut Kangerlussuullu akornanni Takornarissanut illuaqqanik ingerlatsinermut aserfallatsaaliinermullu suliassaq matumuuna suliariumannittussarsiuunneqarpoq.

Suliariumannittussarsiuussinermi atortussat 2017-imi apriilip 10-aniit Teknikkimut Avatangiisinullu immikkoortortamut imaluunniit kommunip nittartagaatigut – www.qeqqata.gl aaneqarsinnaanngussapput.

Neqerooruteqarnermi allattorsimaffiit ilanngussassatut ilanngussat ilanngullugit allakkat puuinut matoqqasunut poorlugit ilisarnaaserlugit "Takornarissanut illuaqqat" 2017-imi ataasinngornermi maajip arfineq-pingajuani nal. 11.00 suliariumannittussarsiuussineq ingerlanneqartinnagu, Teknikkimut Avatangiisinullu immikkoortortaqarfimmut tunniunneqareersimassapput.

Neqeroortitsinermi periusaavoq "aki appasinnerpaaq", tamanullu suliariumannittussarsiuussinerulluni.

Neqeroortitsinermi atortussat tassaapput:

Suliassaq piffissami 2017-imi juunip aallaqqaataanit 2019-imi juunip aallaqqaataata tungaanut ingerlassaaq.

Suliariumannittussarsiuussineq 2017-imi maajip arfineq-pingajuani nal. 11.00 Teknikkimut Avatangiisinullu immikkoortortami ingerlanneqassaaq.

Nalornissutaasinnaasunut apeqquteqartitsineq 2017-imi maajip aappaani nal. 13.00 Teknikkimut Avatangiisinullu immikkoortortami ingerlanneqassaaq.

Nalornissuteqarluni apeqqutissat kingusinnerpaamik 2017-imi apriilip 28-ani nal. 11.00 Teknikkimut Avatangiisinullu immikkoortortamut tunniunneqareersimassapput.


Neqeroornermi allattorsimaffimmi tullinnguuttut immersorneqarsimassapput:


Pos 1) ”Ingerlatsineq Nakkutilliinerlu” SA & SB-imi 3C aamma 3F malillugit ukiunnerani nakkutillinermi tamani akigititaq

Pos 2) ”Ingerlatsineq Nakkutilliinerlu” SA & SB-mi 3D aamma 3F malillugit aasaanerani nakkutilliinerni tamani akigititaq:

Pos 3) SA & SB-mi 3C malillugu immikkut angalaneq, ukiuunerani eqqagassanik assartuineq kisimi

Pos 4) Agguataarinermut allattorsimaffimmit aamma SA & SB-mi 4C malillugu qalipaanissamut akigitassaq.

Ilanngussamit "Agguataarinermut allattorsimaffik"-mit illup silataanik iluanillu qalipaanissamut neqeeroorut tamakkiisumik akigitiaq ersersinneqarimaassaaq, ilanngssamilu "Qalipaanermut suliassamut nassuiaat"-mut naapertuutissalluni.

Pos 5) SA & SB imm. 4B "iluarsartuussinerit pitsanngorsaanerillu tamalaat" malillugu qaavatigut suliaqarnissamut akunnermut akigititaq. Akigititami assartuussinermi aningaasartuutit ilaassaapput.

6) Tulluartunik assartuussinernut uppernarsaat ilaatinneqasssaq. takuuk SA & SB-imi pk 5A ”Atortut”.

7) Sanaartornikkut piginnaasatigut piumasaqaatit pillugit nassuiaat ilanngunneqarpoq.

8) Takornarissanut illuaqqanik, nunaminertamullu ilisimasaqarnermik nassuiaat ilanngunneqarpoq.


ULLORMI SULIARIUMANNITTUSSARSIUUSSINERMI 2017-IMI MAAJIP ARFINEQ-PINGAJUANI nal.11.00 ALLAKKAT PUUINUT MATOQQASUNUT TUNNIUNNEQASSAPPUT

  • Agguataarinermut allattorsimaffik immersoqqasoq
  • Neqeroorutitut allattukkat
  • ”Neqeroorutitut allattukkat-ni immikkoortunut 6, 7 aamma 8-mut uppernarsaatit.

 

Område for Teknik og Miljø
Guutaap Aqq. 2
3911 Sisimiut
Tlf. (+299) 86 74 75
Dir. (+299) 52 76 45
maju@qeqqata.gl