Suliariumannittussarsiuussineq

Sanaartortitsisoq Qeqqata Kommunia, Teknikkeqarnermut Avatangiisinullu immikkoortortaq Maniitsoq sinnerlugu, matumuuna suliassaq qulaani pineqartoq tamanut suliariumannittussarsiuunneqarpoq.

Suliassat makkuupput: Maniitsumi utoqqaat illuannik nutarsaaneq

Suliassat pingaarnertut isumaqatigiissutissami imatut tamarmiutillugit suliariumannittussarsiuussutigineqarput:

• Sanaasat-, inaarsaanerit- natilersuinerit-, qalipaanerit- aamma ruujorilerinermik suliassat


Suliassanit qulaani taaneqartunit ataaseq arlallilluunniit kiisalu suliassanut neqerooruteqarsinnaaneq periarfissaavoq.

Takuuk Suliniummut immikkut piumasaqaatit, suliassaq periuseq "akikinnerpaamik neqerooruteqartoq" naapertorlugu tunniunneqassaaq.

Suliassat tamarmik naammassillugit ulloq 30.04.2027 tunniunneqassasut naatsorsuutigineqarpoq.

Suliariumannittussarsiuussinermi atortussat Masanti A/S, Postboks 109, 3912 Maniitsoq, oqarasuaat 81 31 32, e-mail: mir@masanti.gl atorlugit 18.03.2026 saaffiginninnikkut inniminneerneqarsinnaapput tunniunneqarsinnaallutillu. Atortussat elektroniskimik PDF-inngorlugit akeqanngitsumik inniminneerneqarsinnaapput. Atortussat aammattaaq akiliuteqarnikkut pappilianngorlugit inniminneerneqarsinnaapput.

Naatsorsuutigineqarsinnaassagaanni neqerooruteqartoq 100.000 koruuninik pisortanut akiitsoqannginnerminik akileraartarnermut oqartussanit uppernarsassavaa aammalu takuuk AP95 § 6, pisariaqartumik aningaasaliisinnaaneq neqerooruteqartup aningaaserivimmit uppernarsartissavaa.

Suliariumannittussarsiuussineq Masanti A/S, Niels Lynge-p Aqq. 14, 3912 Maniitsoq 20.04.2026 nal. 13:00 ingerlanneqassaaq.


Qeqqata Kommunia sinnerlugu








Masanti A/S
Niels Lynge-p Aqq. 14 • Postboks 109 • 3912 Maniitsoq
E-mail: mir@masanti.gl
Tlf.: 81 31 32

Qeqqata Kommunia Sisimiuni nunaqarfiinilu pujoorfinnik saliineq pillugu suliassaq tamanut ammasumik suliariumannittussarsiullugu neqeroorutigaa. Suliassaq Sisimiut illoqarfia, Kangerlussuaq, Sarfannguit kiisalu Itilleq
ilanngullugit atuuppoq, isumaqatigiissuteqarfissarlu piffissami 1. maj 2026-imiit 31. december 2029-mut atuutissaaq.

Neqerooruteqarnermut atortussat 29. januar 2026-imiit pissarsiarineqarsinnaapput Teknikkimut Avatangiisinullu Immikkoortortamut saaffiginnilluni ugguuna: sis.otm@qeqqata.gl immaqaluunniit emox@qeqqata.gl .

Suliassaq akigitinneqartoq appasinnerpaaq tunngavigalugu tunniunneqassaaq.

Pujoorfinnut saliinermut uppernarsaat (kursusbevis) piumasaqaataavoq. Piumasaqaataasoq naammassineqarsinnaavoq KTI-mi Sisimiuni blåflamme-/kondenserende kedelimik saliinermut kursus ingerlanneqarsimappat,
kingusinnerpaamik 1. juli 2026.
(Kursus: Blåflamme/kondenserende kedel rensning | KTI)

Neqeroorutit allakkatigut tunniunneqassapput. Neqeroorutit immersorneqarsimasut ilanngussallu ima tunniunneqarsinnaapput:
- e-mailikkut emox@qeqqata.gl-imut nassiunneqarsinnaapput, qulequtaq ilanngullugu:
“Licitation – Sisimiut nunaqarfiinilu pujoorfinnik saliineq – [neqerooruteqartup aqqa]”
(Suliariumannittussusiuneq naammassinissaata akunnerup ataatsip iluani nassiunneqareersimassaaq),
imaluunniit

- puussiami matoqqasumi nalunaaqutserneqarlutik:
“Licitation – Sisimiut distriktiani skorstensfejning – [neqerooruteqartup aqqa]”
tunniunneqarsinnaapput imaluunniit nassiunneqarlutik Teknikkimut Avatangiisinullu Immikkoortortamut,
Guutaap aqq. 5, Postboks 1014, 3911 Sisimiut.

Neqeroorutit kingusinnerpaamik tallimanngorneq 20. marts 2026, nal. 10.00 tiguneqareersimassapput.