B-1017 Niviarsiaq 5 Sisimiut tuniniarneqarpoq.
Isumaqatigiissuteqarnikkulluunniit tiguneqassaaq.
Illu 1981-imi sanaajuvoq, illu 81 m2 missaanik angitigivoq type Polarbo type 81 ilaqutariit illutaatut sanaajulluni.B-1017 taamatut isikkoqartillugu tuniniarneqarpoq, tunisereernerullu kingorna tuniniaasoq akisussaatinneqarsinnaanani. Tunisinermi toqqaannartumik aningaasartuutit tamarmik, pisisumit matussuserneqassapput.
Piserusussinnaasunut B-1017-mut alakkaatitsineq, Regnskabeqarfimmut Jonna Petersen saaffiginnissuteqarnikkut alakkaasinneqarsinnaavoq uunga: Jonna Petersen oqarasuaat 86 73 66 imaluunniit e-mail: jopx@qeqqata.gl atorlugit pissarsiarineqarsinnaalluni.
Qallunaat aningaasanngorlugu allaganngorlugu neqeroorut, illu siunissami sumut atorneqarsinnaaneranut siunnersuummik nassuiaatitalik kiisalu ateq, najugaq aamma oqarasuaatip normua / emaililuunniit ilanngullugit uunga nassiunneqassapput tunniunneqarlutilluunniit
Qeqqata Kommunia
Aningaasaqarnermut immikkoortortaq
Postboks 1014
3911 Sisimiut
Ilisarnaat: B-1017 Niviarsiaq 5 pisinissamik neqeroorut
Pisiarinissaanik allaganngorlugu neqeroorut allakkap puussaanut matoqqasumut poorlugu tunniunneqanngikkuni nassiunneqassaaq, kingusinnerpaamillu 11. August 2026 nal. 12.00 kommunimit tiguneqareersimassalluni. Neqeroorutit piffissaagallartillugu tiguneqartut, ulloq taanna nal. 13.00 Aningaasaqarnermut immikkoortortaqarfiup ataatsimiittarfiani neqeroorutinik ammaanermi ammarneqassapput. Neqerooruteqartut allallu soqutiginnittut, neqeroorutinik tiguneqarsimasunik ammaanermi peqataanissaminnut soorunalimi tikilluaqqusaapput.
Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu.
Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq.
Neqeroorutinik tamanik Qeqqata Kommunia itigartitsisinnaatitaavoq.
