Ammasarfiit ataasinngorneq - Tallimanngorneq:
Nal.: 06:45 – 17:00.
Init:
Amaqqut: Meeraaqqanut ukioqanngitsuniit pingasunik ukiulinnut aqqanilinnut inissaqarpoq.
Puisit: Meeqqanut pingasuniit ukiulinniit atualertussanut 15-nut inissaqarpoq.
Nannut: Meeqqanut pingasunik ukiulinniit atualertussanut 14-nut inissaqarpoq.
Aqissit: Meeqqanut pingasunik ukiulinniit atualertussanut 14-nut inissaqarpoq.
Meeqqap meeqqaniittalernissaminut toqqissilluni aallartilluarnissaa siunertaralugu uku periuserineqartarput:
Ukioqanngitsuniit pingasunik ukiulinnut: Sapaatip akunnerit marluk iluanni meeraq pulaartinneqartassaaq, sungiussilluarluni aallartinniassammat.
Pingasunik ukiulinniit atualertussanut: Sapaatip akunnerata iluani meeraq pulaartinneqartassaaq, taakkunanilu ulloq kingulleq angajoqqaaminiit qimanneqarluni nereqataassaaq, sinittarunilu sineqataalluni.
Meeraq kingusinnerpaamik ullaakkut nalunaaqutaq qulingiluanut meeqqanut apuunneqareersimassaaq. Kingusinaassagaanni nalunaaqutaq qulingiluanngortinnagu sianerluni nalunaarutigineqassaaq.
Meeraq freerpat, feeriarpat napparsimappalluunniit aamma nalunaarutigineqassaaq. Angajoqqaat meeqqaminnik allamik aallertitsiniarunik aallertussaq kinaanersoq nalunaarutigineqassaaq, allersinnaasorlu minnerpaamik aqqaneq-marlunnik ukioqalereersimassaaq.
Qaammatikkaartumik perorsaasut anguniagaasigut sammisassaqartitsineq pilersaarusiortarparput. Qaammammut pilersaarutit malillugit, sapaatip akunneranut sammisassaqartitsisarlutik.
Sananeqaatsimigut narluinnartuuvoq torsuusarsuaqarluni, taamaalilluni meeqqat sulisullu imminnut qanilaartuullutik. Sulisunik atorluaaneq ingerlanneqarpoq inimiit inimut nuuttarneq peqqutaalluni, meeqqat sulisullu imminnut ilikkapallattarput.