NunaGIS sumut tunngava?
NunaGIS tassaavoq nittartakkakkut Kalaallit Nunaanni nunap assinganik takusassiisoq, illillu innuttaasutut nunap immikkoortuni paasissutissat takusinnaavatit nunaminertamillu atugassinneqarnissamik qinnuteqarfigisinnaasat.
Imarisai kikkunnut sammitinneqarpat?
Imarisai innuttaasunut suliffeqarfinnullu sammititaapput, makku pillugit pisariaqartitsisunut:
• Kalaallit Nunaanni nunap immikkoortuini pissutsit pillugit paasissutissinneqarneq.
• Nunaminertamik atugassinneqarnissamik qinnuteqarneq.
• Nunaminertat pillugit killilersuinerit pillugit paasissutissat.
NunaGIS-imik teknikikkut ingerlatsineq inerisaanerlu Asiamit - Pinngortitaleriffimmit isumagineqartarput.
Digitalikkut nunaminertamik atugassinneqarnissamik qinnuteqaatit, Inatsisilerinermut Nunalu tamakkerlugu pilersaarusiornermut Immikkoortortaqarfimmit, Aningaasaqarnermut Akileraartarnermullu Naalakkersuisoqarfimmiittumit isumagineqartarput.
NunaGIS.gl pillugu ataatsimut isigalugu paasissutissiineq - nunap assingani takussusiineq
NunaGIS-ip nittartagaani Kalaallit Nunaat tamakkerlugu nunap assinga digitaliusoq takusinnaavat. Kommunip pilersaarutai, najugaqarfiit, illuutit, nunap immikkoortui allanngutsaaliukkat sumiiffillu oqaluttuarisaanermut pingaarutillit pillugit paasissutissat nassaarisinnaavatit.
Imarisai sumut tunngassuteqarpat?
NunaGIS-imi nunap assingani takussusiineq aqqutigalugu uku takusinnaavatit:
• Pilersaarusiornermi nunap assinga kommunip pilersaarutaani immikkoortortat.
• Nunaminertamik takussutissiineq nunaminertanik atugassiinermi atuuttutatuussimasullu oqaluttuassartai.
• Inoqarfiit pillugit nunap assinga, nunap ilusaa aamma kuuffissuit pillugit paasissutissanik ilaqartut.
• Nunat aqqi Oqaasileriffimmeersut.
• Nunap immikkoortui allanngutsaaliukkat atsitassarsiornissamullu akuersissutit.
• Qanganitsanut eriagisassanut sumiiffinnullu oqaluttuarisaanermi pingaarutilit.
• Najugaqarfiit, illuutit aqquserngillu tunngaviusumik paasissutissanik nalunaarsuiffimmiit.
• Kalaallit Nunaanni illoqarfiit angernerit 3D-inngorlugit misissorsinnaavatit
Imarisai kikkunnut sammitinneqarpat?
Imarisai innuttaasunut suliffeqarfinnullu sammititaapput, makkuninnga kissaateqartunut:
• Sumiiffik najugaqarfitsik pillugu nunap immikkoortuanik paasisaqarusuttut.
• Najukkami pilersaarutit pinngortitamilu pissutsit mianeralugit suliniutinik pilersaarusiorneq.
• Pissutsit oqaluttuarisaanermut, kultureqarnermut teknikkeqarnermullu tunngasunik paasisaqarusuttunut.
Una toorlugu NunaGIS takujuk: https://nunagis.gl/nunap-assinga/
Digitalikkut nunaminertamik qinnuteqarneq ataatsimut isigalugu paasissutissiissutiginera
NunaGIS aqqutigalugu nunaminertamik atugassinneqarnissaq pillugu qinnuteqaat digitalikkut nassiussinnaavat – assersuutigalugu inissiamik, illuaqqamik allamilluunniit sananiaruit. Kommunip pilersaarutaani aalajangersakkat inoqarfinnut (illoqarfiit nunqarfiillu) nunaannarmullu atuuttut pillugit ilisimasaqarnissat pingaaruteqarpoq. NunaGIS-imi nunaminertanik atugassiinernik allanillu nunap assinganik takussutissiinerit aamma eqqumaffigisariaqarpatit, qinnuteqaatinnut sunniuteqarsinnaasut.
Taanna sumut atorsinnaaviuk?
NunaGIS-ip isersinnaanngortissavaatit ukununnga:
• Nunaminertamik atugassinneqarnissaq pillugu digitalikkut qinnuteqarneq
• Nunaminertat atorneqartut aamma oqaluttuarisaanermut tunngasut takussuserneqarnerat.
• Nunap assingi allaffissornikkut killeqarfinnik ilaqarlutillu teknikikkut tunngaviusumik nunap assingi.
• Qutsissumiit assilisat nunami pukkinnerit portunerillu ersersillugit aamma inoqarfiit pillugit nunap assingi akuleriit.
Atortulersuutip paasiuminarnerulersissavaa sumi sanaartorsinnaassanersutit aamma sumiiffinni assigiinngitsuni maleruagassat sorliit atuuttuunersut.
Imarisai kikkunnut sammitinneqarpat?
Imarisai innuttaasunut sammitinneqarput, makkuninnga kissaateqartunut:
• Nunaminertamik atugassinneqarnissaq pillugu qinnuteqarnermut, assersuutigalugu inissiamut, sunngiffimmi illuaqqamut imaluunniit siunertamut allamut.
• Pilersaarutit aamma nunaminertanut killiffik pillugit paasisaqarumasunut.
• Nunap immikkoortuanut tunngasunik aamma najukkaminnut nunap assinginik takusaqarumasunut.
Una tooruk digitakkut nunaminertamik atugassinneqarnissamut qinnuteqarumallutit: https://nunagis.gl/nunaminertamik-qinnuteqarneq/
Pappiaranngorlugu qinnuteqarneq
Pappiaranngorlugu qinnuteqaatit tunniunniarukku qanoq iliornissat paasissutissallu suut ilanngunneqassanersut maani Sullissivimmi “Nunaminertamik atugassinneqarnissamut qinnuteqarneq” pillugu paasissutissat atuarsinnaaavatit.