Uiaq
Uiaq
Uiaq
Meeraateqarfik Uiaq angajoqqaanut, minnerunngitsumillu meeqqanut ornittarfittut nuannersuutinnissaa siunertarineqarpoq.
Meeqqat minnerit inini marlunniipput, inilu ataaseq aqqaneq marlunnut inissaqarpoq. Meeqqallu annerit inini aamma marlunniillutik meeqqanut 20-nut inissalimmi.
Meeraq kingusinnerpaamik nalunaaqutaq qulingiluanut aggereersimassaaq, kingusinaassappallu meeqqanukassanngippalluunniit piffissaq taaneqartoq nallertinnagu angajoqqaat nalunaaruteqareertassapput.
Nerisarneq
Nerisarneq
Meeraq ullaakkorsiortereerlugu meeqqanukaanneqassaaq, ullaakkorsiortitsisoqarneq ajormat. Angajoqqaat, meeqqat sulisullu qaammammut ataasiarlutik ullaakkorsioqatigiittarput.
Meeqqat mikinerniittut meeqqat pisariaqartitaat malillugit nerisinneqartarput.
Ullueqqasiortoqartarpoq nal. 11.00
Ullukkut nerineq nal. 14.00
Meeraq arlaannik sapigaqarpat, angajoqqaat nakorsamiit uppernarsaammik nassarlutik sulisunut tunniussissapput, igasup tamanna paasiniassammagu.
Sammisassaqartitsineq
Sammisassaqartitsineq
Ullaakkut nalunaaquttap qulingiluat tungaanut meeqqat tamarmik ataatsimoortarput. Taassuma kingorna iniminnukartarput ullormullu sammisassaqartinneqartarlutik. Sapaatip akunneri allortarlugit sulisut akornanni paarlakaajaattoqartarpoq sammisassanik pilersaarusiorneq eqqarsaatigalugu, taakkulu tavlimut nivinngarneqartarput. Angajoqqaat taamaalillutik malinnaasinneqartarput.
Angajoqqaat meeqqallu kissaataat malillugit meeraq ualikkut sinitsinneqarsinnaasarpoq.
Ammasarfiit:
Ammasarfiit:
Ataasinngorneq - Tallimanngorneq:
Nal. 06:45 - 17:00
Meeqqat atisassamaatissai
Meeqqat atisassamaatissai
Sapinngisaq malillugu meeraq silamiissutaasinnaasunik atisanik nassartassaaq, soorlu aaqqatit, nasaq, gummit assigisaallu. Eqqaamallugu meeqqap atia atisaanut allannissaa paarlaattoqartoornissaa pinaveersaartikkumallugu.
Aasakkut silagitsillugu silamiinnerusarpugut. Taamaattumik meeqqap atisassamaatissaqarluarnissaa kissaatiginarpoq atisai masatsissagaluarpata peqartereerlugu.
Meeraq isersimmatissaminik aamma nassassaaq.
Pinngussanik nassartarneq
Pinngussanik nassartarneq
Meeqqat marlunngornikkut pinngussanik nassarsinnaapput. Tamanna angajoqqaat meeqqallu namminneq akisussaaffigissavaat. Meeraq pinnguamik batteeritortumik pinnguamilluunniit nipiliortartumik nassaqqusaanngilaq.
Sammisassat aaliangersimasut
Sammisassat aaliangersimasut
Ullaakkut sungiusarneq:
- Aappaluttukkormiut marlunngornermi timersortarput
- Tungujortukkormiut sisamanngornermi timersortarput
Meeqqat angajoqqaaminniit akuersissutillit nalukkiarsinnaapput.
Meeqqat atualertussat sapaatip akunneri tamaasa aaliangersimasunik sammisassaqartinneqartarput, tamannalu januarimiit maaji ilanngullugu ingerlasarpoq.
Meeqqat atualertussat Santa Luciartinneqartarput.
Sapaassuaq Siulleq qalligaangat suliassat aaliangersimasumik sammisaqartut aallunneqartarput.
Naammagittaalliorneq
Naammagittaalliorneq
Naammagittaalliutissaqaruit nuannersumilluunniit eqqaasassaqaruit, sulisunut angajoqqaalluunniit sinniisaannut anngussisinnaavutit. Meeraaqqeriviup siunertaraa immitsinnut attaveqaqatigiilluassasugut!
Suleqatigiilluarnissaq kissaatigalugu, meeraaqqeriviup Uiaq'mut tikilluaqquaatit.