Fritidshjemmet Naasoq
Ornittakkap Naasup anguniagai
Ornittakkap Naasup anguniagai
Meeraq nammineerluni sunngiffimmi ornittakkami ullup qanoq atornissaanik akisussaaqataavoq.
Ukioq atuarfiusoq naallugu ataasinngornerit allortarlugit meeqqat ataatsimiisinneqartarput, tassani meeqqat tusarliunneqartunut tusarnaarnissaminnik ilinniartinneqartarput. Tassani aamma meeqqat ataatsimoortunut amerlassuunut oqalunnissaminnut periarfissaqartarput.
Meeqqanut soqutiginarsinnaasunik sulisut sammisassanik ingerlaavartumik saqqummiussisarput, ukiuuneranilu juullillu tungaanut inini sammisassaqartitsiviusuni suliaqangaatsiartarput.
Sanalugassat atorlugit sanalunneq
Sanalugassat atorlugit sanalunneq
Umimmaat tuttullu nassuinik kukiffaanillu sannavimmi sanalunnissaq meeqqanit soqutigineqarluarpoq. Meeqqanullu nuannaarutaalluinnartumik ujaqqanut siligummik peqalernikuuvoq, meeqqallu kusanarluinnartunik ujamiliornikuupput.
Illoqarfiup eqqaani sissami qaqqanilu sanalugassat assigiinngitsut katersorneqartarput. Meeqqat aamma juullimut tunissutissaminnik naneruusiortarput, angajoqqaaniit nuannaarutaalluinnartumik.
Suungiffimmi ornittakkami silamilu meeqqanut sammisassanik ukioq kaajallallugu qaammatit tamaasa aaqqissuisarput, taamaalillutillu meeqqat peqatigiillutik toqqissillutillu ullormut sammisassaqartuaannarput.
Nerisassat
Nerisassat
Igaffik nalunaaqutaq ullup qeqqaniit sisamap qeqqata tungaanut ammasarpoq. Piffissami tassani meeqqat qaqugu nerissanerlutik nammineq aalajangersinnaavaat.
Meeqqat nammineerlutik nerinissami nerereernerullu kingorna iluarsaaseqataanissaminnut akisussaaffimmik ilinniartinneqartarput.
Sunngiffimmi ornittakkami sapinngisamik peqqinnartunik nerisaqartitsiniartoqartarpoq.
Atuisut ataatsimoorfiat
Atuisut ataatsimoorfiat
Inatsisartut peqqussutaat uani atuaruk.
Malittarisassat
Malittarisassat
Meeqqat pinngussanik nassataqarpata aserussagaluarpata tammarlutilluunniit, sunngiffimmi ornittakkap taasersinnaanngilai. Aamma atisat pineqarput. Aneertuartaramik ukiup qanoq ilineranut naleqquttumik meeqqat atisaqartinneqartassapput. Meeqqap atisaanut kamippaanullu aqqi allannissaat pitsaasuuvoq.
Ullut tamaasa matunissap tungaanut sisamaniit aneertarpugut.
Angajoqqaat suleqatigineqarneri
Angajoqqaat suleqatigineqarneri
Meeqqat angajoqqaavi qanimut suleqatigineqartarput. Siullermeerlutillu pulaarnissaannut meeqqat angajoqqaavilu oqaloqatigilluarneqartarput. Sunngiffimmi ornittakkami inatsisit ulluinnarnilu qanoq ingerlasoqartarnersoq pillugit paasissutissanik imaqartumik ukiumut pilersaarummik angajoqqaat tunineqartarput.
Ulluinnarni sunngiffimmi ornittakkami pisartut pillugit angajoqqaanut nutaarsiassanik paasissutissiissutinik Naasoq ukiumut sisamariarluni saqqummersitsisarpoq. Angajoqqaanut oqaloqatiginnittarneq ingerlanneqarneq ajorpoq, meeqqalli oqaloqateqarnissamik pisariaqartitsissappata sunngiffimmi ornittakkami sulisut angajoqqaanik attaviginnittarput.
Sunngiffimmi ornittakkap unnukkullu klubbip ammasarfii
Sunngiffimmi ornittakkap unnukkullu klubbip ammasarfii
Ataasinngorneq - Tallimanngorneq
2.-3. klassinut: nal.: 07:00 - 17:00
5.-6.klassinut: nal.: 18:00 - 17:00 (Oktobari - Apriili)
Annertunerusumik paasisaqarusukkuit
Ornittagaq Naasumi ulluinnarput qanoq ingerlanersoq paasisaqarfiginerorusukkukku alakkaanissannut tikilluaqqusaajuaannarputit.