Qimmeqarneq

Imatut iliorit

• Qimmiuteqarnissamut akuersissummik qinnuteqassaatit. Kommunip qinnuteqarnermut immersugassaataa atorlugu taamaaliussaatit, nittartakkamut iserlutit takusinnaavat.

• Qimminik qimuttoqarfimmi qimmilivissannik Teknikkimut avatangiisinullu immikkoortortamut, pilersaarusiornermut immikkoortortamut qinnuteqassaatit.

• Qimmiuteqarunnaassaguit kommunimut nalunaarutigissavat. Qimmiutitit allamik inuttaqalersimassappata paasissutissat ilanngutilaarigit.

• Qimmit perlerornermut akiuussutissamik kapitissimassapput, kapitinnermiillu ukiut marluk affarlu qaangiunnerani kapineqaqqittassallutik. Qimmiaqqat siullermeerlutik kapineqassallutik sisamat arfinillillu akornanni qaammateqalerpata.

Perlerornissamut akiuussutissaq

Qimmiutitit qimmiaraatitillu perlerornermut akiuussutissamik kapitinnialerukkit qimminik nakkutilliisoq attavigissavat isumaqatigiissuteqarfigalugulu. Taava ornigutissaaq qimmillu kapillugit. Kapitilerpata najuutissaatit qimmerlu kapitilerpat paaralugu.

Qimmiaqqanut akiuussutissaq aamma qimminik nakkutilliisup akiliisimanermut uppernarsaat takuteriarukku isumagissavaa, imaluunniit illit nammineerlutit qanoq iliornissat nalunngikkukku isumagisinnaavat. 

Qimminik toqutsineq

Qimminik nakkutilliisoq attavigisinnaavat piffissamik sumiiffissamillu isumaqatigalugu, taava qimmit piaqqallu toqussinnaavai. Illit nammineq qimminik toqoraassaguit Inatsisartut peqqussutaa malillugu sapinngisamik sukkasuumik annernartoqanngitsumillu toqutsinissaq pissaaq. Aallaasinik atuinissaq pillugu malittarisassat politiit malittarisassaanni takujuk.

Qimminik nakkutilliisoq

Attavigisassamut paasissutissat:

Sisimiut oqarasuaat. 52 79 22 aamma mail [email protected]

Kangerlussuaq 27 71 75 aamma mail [email protected]

Maniitsoq nunaqarfiillu 81 78 47 aamma mail [email protected]

Itilleq  86 73 82

Sarfannguit 86 73 85