Qimmit angalaannartut

Qimmimik angalaannartumik toqutsinissamut naliliineq.

Naliginnaasumik qimmimik piginnittup qimmini pituussaarsimasoq pisarinissaanut ulloq ataaseq periarfissagisarpaa, tamassuma kingorna kommunip qimmeq toqussinnaalertarlugu. Tamannali pitinnagu piginnittoq periarfissinneqartarluni qimmini tiguniassallugu pitullugulu.  

Qanoq iliussaanga

Naliginnaasumik qimmimik piginnittup qimmini pituussaarsimasoq pisarinissaanut ulloq ataaseq periarfissagisarpaa, tamassuma kingorna kommunip qimmeq toqussinnaalertarlugu. Tamannali pitinnagu piginnittoq periarfissinneqartarluni qimmini tiguniassallugu pitullugulu.  

Qimmivit arlaat pituussaarsimasoq nalunngikkukku tigunerlu ajulerlugu taava qimminik nakkutilliisoq attavigiuk kalerrillugulu qimmimik pituussaartooqqallutit. Qimminik nakkutilliisup nalunngikkuniuk qimmit tiguniarsarigit toqutsinissamut utaqqissaaq immaqalu kingusinnerusukkut attavigalutit tigusimanerit paasiniaalluni.

Qimminik nakkutilliisup attaviginissaa eqqaamallugu qanorlu ingerlaninnik paasitillugu. Qimmillu tigusimagukku aamma kalerriutigissavat.

Qimminik nakkutilliisoq pullataateqarpoq, taakku qimmip tiguniarneranut atorsinnaavatit.

Qimmeq pituussaaqqasoq tigusassaanngiivippat toquinnarnissaa pisariaqarsinnaavoq.

Qimminik pitoqqanngitsunik tigumminnittarfik

Sisimiuni Nukissiorfiit imeqarfiata avannaata/kangia-tungaani aqqusinertaarsuup kujaata tungaani kommuni qimmilivinnik ikkussuinikuuvoq. Qimminik nakkutilliisoq allalluunniit qimmimik pituussaaqqasumik tigusaqarsimagunik kommunip qimmiliviisa ilaanut  pitunneqartarput, piginnittullu taakunga aasinnaavaa. Qimmit ullut pingasuinnaat tigummineqartarput, aaneqanngippatalu toqunneqartarlutik.