UNESCOmut nunarsuarmioqatigiinnut kingornussassanngortitsiniarnermut atermik siunnersuuteqarit
Indhold
Indhold
Qeqqata Kommunia ukiup tulliani nassiussassamik UNESCOmut nunarsuarmioqatigiinnut kingornussassanngortitsiniarnermut qinnuteqaasiuleruttorpoq.
Suliniummi Aasivissuit - Maliaq – Nipisat - sermersuarmit tuttoqarfiit aqqusaarlugit kangerlunni, sinerissami qeqertanilu qanga asimioqarfiusimasorpassuullutik nunatat kulturikkut takussutissartaqarlutik kusanarluinnartut pineqarput. Ukiut 4.500-t ingerlanerini Kalaallit Nunaata kitaani inuit kulturikkut kingornussat nunatamiipput.
Nunarsuarmioqatigiinnut kingornussassanngortussanut allattorsimaffiup siunertaraa, nunat tamat akornanni ataatsimoorluta kingornussassatsinnik ilisimaarinnilernissarput, taamaalillutalu pigiuaannarnissaat eriagineqarnissaallu eqqumaffigilerlugit.
Suliniuniummut illit innuttaasutut atissaanik siunnersuuteqarsinnaavutit.
Siunnersuut uunga nassiuguk:
[email protected] imaluunniit facebookitsinnut allagit, kingusinnerpaamik 4. nov. 2015.