2025-mi ukiuunerani piniarnermut atatillugu nunaannarmi motoorilinnik angallannissamut immikkut akuersissut
Sisimiut aqutsiveqarfiani Tasersuup avannaatungaani qamutit motoorillit atorlugit sunngiffimmi piniartunut ukiuunerani piniarnermut atatillugu ingerlaviusinnaanngortissavaa
Indhold
Sisimiuni Umimmaqarfimmi Tasersuup avannaatungaani qamutit motoorillit atorlugit angalanissaq Qeqqata Komrnuniani qamutit motoorilinnik angallannermut ileqqoreqqusami nutaami ilanngunneqarnikuunngilaq, taamaattumik tassunga immikkut akuersissuteqartoqarnissaa pisariaqartinneqarsimavoq.
Tamanna tunngavigalugu aqutsiveqarfik Sisimiuni Tasersuup avannaatungaani piniarfik 5-imi inuussutissarsiutigalugu aamma sunngiffimmi piniartunut pisassalinnut 2025-mi 1. februaarimiit 14. februaari ilanngullugu piniarfimmi motoorilinnik angallassissutinik atuisinnaanermut borgmesteri immikkut akuersissuteqarpoq.
ATV-inut aqqutikkut piniarfissatut immikkoortitap tungaanut UNESCO-qarfik aqqusaarlugu Tasersuarmit angallannissamut aqqusinissaq pillugu siunnersuuteqarpoq. Piniarfiup assartuussinermullu aqqutip ilaa nunarsuarmioqatigiinnut kingornussassaqarfiup Aasivissuit - Nipisat iluaniimmat, Aasivissuarni Immikkoortut pingaarutilittut ilisarnaasiisoqarnikuuvoq, tassani ATV/Qamuteralaat atorlugit angallattoqaqqusaanani - kisianni Aasivissuit tasiat aqqusaarlugu piniarfik 5-imut majuartoqarsinnaalluni (takuuk nunap assinga ilanngussaq).
Immikkut akuersissut tamaat uani atuaruk
