Aasaanerani sammisassaqartitsineq Qeqqata Kommuniani
Qeqqata Kommuniani aasaanerani sammisaqartitsisinnaasunik pissarsiorpoq
Indhold
Qeqqata Kommunia aasaanerani Sisimiuni, Sarfannguani, Itillimi Kangerlussuarmilu piffissami 1.- 19. aggusti 2022 aamma Maniitsumi, Napasumi, Atammimmi Kangaamiunilu piffissami 1.-26. aggusti 2022 meeqqanut sammisassaqartitsisinnaasunik pissarsiorpoq. Sammisassaqartitsinerit ataasinngornermiit tallimanngornermut nal. 09:00 – 16:00 akornanni pisassapput.
Sammisassaqartitserusukkuit Qeqqata Kommunianut siunnersuuteqarit.
Aasaanerani sammisassaqartitsinermi atortussat/pisiassat Qeqqata Kommuniata isumagissavai. Sammisassaqarnermut siunnersuutit Ilinniartitaanermut Immikkoortortaqarfiup nalilersussavai.
Sammisassaqartitsinissamut siunnersuusiornermi ilanngunneqassapput:
Sammisaq, sap. akunneranut tiimit atugassat, ullut suut sammisaqartitsiffissat, sumiiffik meeqqallu amerlassusaannik killiliineq, assersuutigalugu:
Sammisaq: Assiliinermut ilinniartitsineq
Sap.ak. tiimit qassit: Pingasunngornermi nal. 14:00 – 16:00 tungaanut
Piffissaq: 3. august, 10. august aamma 17. august
Sumiiffik: Minngortuunnguup Atuarfiani, ini x
Atuartut amerlassusaat: Pisariaqassappat atuartut amerlassusissaat ilanngunneqarsinnaavoq, ass. 12
Aasaanerani sammisassaqartitsinermi piumasaqaataavoq meeqqamik pinerliisimannginnermut uppernarsaammik takutitaqarnissaq.
Meeqqanik pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisaat nr. 8, 19. maj 2010-meersoq tunngavigalugu sulisut atorfitsik aqqutigalugu meeqqanik 15-it inorlugit ukiulinnik sullissisut, meeqqanik pinerliisimannginnermut uppernarsaammik tunniussissapput. Meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Aasaanerani sammisassaqartitsinissamut soqutiginnikkuit kingusinnerpaamik tallimanngorneq 24. juuni 2022 uunga nalunaassaatit Sisimiuni, Sarfannguani, Itillimi Kangerlussuarmilu:
Ilinniartitaanermut immikkoortortaq
Mail: sis.[email protected]
Tlf. 70 21 00
Aasaanerani sammisassaqartitsinissamut soqutiginnikkuit kingusinnerpaamik tallimanngorneq 24. juuni 2022 uunga nalunaassaatit Maniitsumi, Napasumi, Atammimmi Kangaamiunilu:
Ilinniartitaanermut immikkoortortaq
Mail: man.[email protected]
Tlf. 70 21 00
*Aasaanerani sammisassaqartitsinermut akissarsiassat interessegrupper sats 176,71 kr. tiimimut atorneqassaaq.