Atammimmi neqitsersuisarfissaq sananeqalerpoq
Indhold
Indhold
Aalisartut piniartullu atortuinut pitsanngorsaanissamut aningaasaliissutit atorlugit illu neqitsersuisarfissatut atugassaq sanaartorneqalerluni marlunngormat oktobarip aallaqqaataani nivariaqqaarneqarpoq.
Tamanna pillugu Aalisarnermut Piniarnermullu ataatsimiititaliami siulittaasoq ima oqarpoq:
- Aalisartut piniartullu kissaatitut taanikuusaata ilaat una piviusunngortittussanngormat nuannaarutigaara, atuisussat suleqatigeqqissaarlugit sulineq ingerlanneqarnikuuvoq. Neqitsersuisarfissap inissisimaffissaanik aamma atuisussat namminneq siunnersuuteqarnikuullutik. Naammasseriarpat Atammimmiut atorluartassagaat qularinngilara, Aqqalu Skifte oqarpoq.
Sanaartugassaq 87 m2-isut angitigivoq, pilersaarutillu malillugit naatsorsuutigineqarpoq sanaartorneq juuni 2025-imi naammassineqassasoq, naammassippallu innuttaasunit tamanit atorneqarsinnaassaaq.