Atuarfik Kilaaseeraq: Atuartut ilinniartitsisullu nuutsinneqarnissaat akuersissutigineqarpoq
Atuarfik Kilaaseeqqami silaannaap peqqinnannginnera pissutigalugu atuartut atuarfiup avataanut nuutsinneqarallarnissaat kommunalbestyrelsimi ullumi oqaluuserineqarmat akuersissutigineqarpoq
Indhold
Atuarfiup silaannalunnera pillugu atuartut ilinniartitsisullu toqqissisimanatik qisuariaateqarnerat tunngavigalugu Qeqqata Kommunia sapaatip akunnera kingulleq immikkut suligasuarpoq.
Piffissami qaninnerpaami init atuartitsiviusinnaasut piaartumik suliarineqarnissaat atorfilittat misissorpaat, tassani atuartut ilinniartitsisullu piaartumik nuutsinnissaat anguniarlugu.
Nuutsiterinissamut pilersaarutit kommunalbestyrelsimi ullumi qaqinneqarput, tassani allaffissornermi piareersaatit aningaasartassaalu saqqummiunneqarlutik.
Atuartunik ilinniartitsisunillu nuutsitsinermi ininik attartorneq ukiumut 2 millionit koruuninik aningaasartuutaassaaq.
Atuartut 357-it, ilinniartitsisullu 44-it, katillugit inuit 401-it nuunneqassapput.