Atuartut atuanngitsoortarnerat inortuisarnerallu suli ajornartorsiutaavoq
Ukiut tamaasa atuarfiit qanoq ingerlarsimanerminnik nalunaarusiortarput.Ukioq atuarfiusumi 2024/2025-mi takuneqarsinnaavoq akuerineqarani atuanngitsoortarneq inortuisarnerlu ajoraluartumik suli qaffasissumik inissisimasut, ingammik Maniitsumi Kilaaseeqqap Atuarfiani.
Imarisaa
Illoqarfinni atuarfinni atuartut atuanngitsoortarnerat agguaqatigiissillugu
Takussutissami aappaluttumik allassimasut tassaapput atuartitsissutigineqartuniit 5% qulaallugu akuerineqaratik takkuttarsimanngitsut. 5%-illu naligivaa ullut atuarfiusut 10-it nalingat.
Nalunaarusiami takuneqarsinnaasutuut Maniitsumi Kilaaseeqqap Atuarfiani akuerineqarani takkutinngitsoortarneq nukarlerniit angajullernut tamani ajornartorsiutaavoq, allaat 9.aamma 10.klasseni atuartut 16% angullugu akuerineqaratik peqanngittarsimallutik. 16%-ip naligivaa ullut atuarfiusut 32-it.
Nunatsinni atualeqqaartitsisarneq ilaqutariittut inuiattut assuutigut atorlugit nuannersumik persuarsiorfigineqartarpoq. Taamaattumik pingaaruteqarpoq meeqqat atuarfiata meeqqap siunissaanut qanoq pingaaruteqartiginerata inuiaqatigiinniit paasineqarluni ukiuni 10-ni pingaartorsiornerup ingerlanneqartarnissaa.
Pissutigalugu meeqqat atuarfiat taannaammat inuiaqatigiittut siunissami atugarissaarnissatsinnut pingaarutilimmik aalajangiisooqaasoq. Taamaattumik pingaaruteqarpoq meerartatta suli amerlanerusut siunissami ingerlalluarnissaat anguniarlugu tamatta suleqatigiillutalu ilungersoqataanissarput.
Annertunerusumik paasisaqarusukkuit attavigiuk
Evelyn Mølgaard
Ilinniartitaanermut Ataatsimiisitaliami Siulittaasoq
Oqaloqatiginiaraanni Ataatsimiititaliamut allatsi Tupârnak´O. Kielsen attavigineqassaaq.
E-mail: [email protected]
Oqar: 86 73 90
Imaluunniit,
Malik Berthelsen
Borgmesteri
Borgmesteri kommunalbestyrelsemut siulittaasuuvoq, oqaloqatiginissaanullu inniminniiniaraanni allatseqarfimmut Sisimiuniittumut saaffiginnittoqarsinnaavoq, imaluunniit tlf. nr. (+299) 70 21 00 -mut saaffiginnilluni.