novembari 27-at 2025
Kommuni avinneqassanersoq innuttaasunik taasisitsinermi inernerit
Pingasunngornermi 26. novembari Qeqqata Kommuniani kommunip aaqqissugaanera pillugu Sisimiuni Maniitsumi nunaqarfinnilu taasisitsineq ingerlanneqarpoq
Indhold
Qeqqata Kommuniani taasisinnaasut 6583-iusut akornanni 43,84procentii Qeqqata Kommuniani aaqqissuussatoqqamut, tassa Sisimiut Maniitsorlu immikkut kommuninngoqqissanersut taasiartorsimapput.
Taasisut 2036-t imaappoq innuttaasut taasiartorsimasut 71 procentii Qeqqata Kommunia avinneqarnissaa taasissutigisimavaat, taamatullu innuttaasut 816-it imaappoq 28 procentii akerliullutik taasisimapput.
Inernerit tamakkiisut eqitsimi ataaniittumi takukkit.
