Meeqqat atuarfiini atortussat annertuumik pitsaanerulersitsisut
Nuna tamakkerlugu Kivitsisap Ilinniartitaanermullu Aqutsisoqarfiup suleqatigiinneranni ilinniartitsisunut atuarfinnullu atuartitsinermut atortussanik ullutsinnut tulluartunik ajornannginnerusumik atorneqarsinnaalissapput. Taakkulu kalaallisut oqaatsitsinnut, kulturitsinnut, pinngortitatsinnut ulluinnatsinnullu tunngaveqartumik ingerlassallutik.
Imarisaa
Suliniut ateqarpoq Pinnguarluta Kivitsisa, atuartitsissutillu nutaat pioreersullu ataatsimut katersorneqarlutik. Kiisalu atuartitsinermut atortut nutaannginnerusut nutarsarlugit atuartitsissutaalersillugit alimmasissumik atuartitsinermut atugassatut tulluarsarneqarlutik.
Atuarfinnut ilinniartitsisunullu sunniutissai:
Atuartitsinermi atortussat ajornannginnerusumik pisaarsiarinissaat
Atuartitsineq assigiinngisitaartoq aammalu pisumut tulluartoq anguneqarnerulluni
Atortut digitaliusut tigussaasullu ataqatigiinnerulissapput
Atortussat nunatsinnut tulluarsakkat pigilerneqassallutik
Suliniut 20230-ip tungaanut ingerlanneqassaaq, LEGO Foundation aamma LIFE Fonden-ip tapersersuineratigut piviusunngorpoq.
Suliniut pillugu annerusumik uani paasisaqarsinnaavutit: Meeqqat atuarfiini atortussiat annertuumik pitsaanerulersut - Kiv https://kivitsisa.gl/2026/02/05/meeqqat-atuarfiini-atortussiat-annertuumik-pitsaanerulersut/itsisa
Meeqqat atuarfiini atuartitsineq nukittorsarniarlugu aammalu atuartut ilinniartitsisullu iluaquserniarlugit qanimut suleqatigiinnissamut qilanaarpugut.