Meeqqerivik Naja Aleqa matussaaq

Sisimiut, oktober 2026

Meeqqerivik Naja Aleqa  2026-mi decembarip 31-anni matuneqassasoq, 2026-mi oktobarip 29-anni kommunalbestyrelsi aalajangiivoq.

Aalajangiinermut tunngaviusoq tassaavoq, illut nutaanngilisimaneri aammalu maannakkut ingerlatsinerup paariinnarnissaanut peqqissutsimut tunngasut illersorneqarsinnaajunaarneri. Ilutigitillugu paaqqinnittarfimmik ingerlatsineq aningaasaqarnikkut illersorneqaqqissinnaanngitsutut nalilerneqarpoq.

Meeqqat tamarmik Sisimiuni meeqqerivinni allani inissaannik neqeroorfigineqassapput aammalu ikaarsaartitsineq pillugu angajoqqaat paasissutissanik sukiumiinerusunik pissarsiumaarput. Ikaarsaarnissaq sapinngisamik toqqisisimanarniassammat paaqqinnittarfinni nutaani meeqqat inersimasunik naapitsinssaat qulakkeerniarneqarpoq.

Naja Aleqami sulisut Sisimiuni meeqqerivinni pioreersuni agguataarneqassapput. Illoqarfimmi meeqqeriviit arlallit sulisussaaleqipput taamaattumillu aggutaarineq sulisussanik amigaateqarnermut iluaqutaassaaq aammalu paaqqinnittarfinni tigusisussani sulisoqarnikkut nukittorsaataassaaq. Tamaaliornikkut sulisut misilittagaat piginnaasaallu suli illoqarfimmi meeqqanut ilaqutaassapput.

Paaqqinnittarfik immikkut oqaluttuassartalik

Matusineq Sisimiuni oqaluttuarsiaanermi immikkoortumik pingaarutilimmik naggasiinertut malunnartinneqassaaq.

Naja Aleqa-p  oqaluttuassartaa 1967-imi aallartippoq, tassani "Holsteinsborgimi meeqqeriviliornissamut kommitè 31. maj 1967-imeersoq"-mik atserlugu komitè-mik pilersitsisoqarnissaanik arnaqatigiit suliuniuteqarmata. Komitép siunertarisaa tassaavoq, illoqarfimmi meeqqervimmik sanaartornissamut aningaasanik katersinissaq. Komité-mut siulitaasoq tassaavoq  Emilie Lennert, Henda Lennert-ip nulia.

Suliniarneq meeqqerivik Aleqa-p 1972-imi aggustip 21-anni ammarnneqarneranik kinguneqarpoq. Meeqqerivik meeqqanut 30-nut ininut marlunnut aggulukkanut inissaqarsimavoq.

Ukiut ingerlanerini meeraaqqerivimmik aammattaaq pilersitsinissaq pillugu kissaateqartoqalersimavoq. Ingerlangaatsiareernerup kingorna aningaasat sipaakkat kommunimut tunniunneqarput aammalu isumaginnittoqarfimmit tapiisoqarneratigut meeraaqqeriviik Naja-mik sanaartortoqarsinnaasimavoq. Meeraaqqerivik 1981-imi juunip sisamaanni atorneqalerpoq.

Kingusinnerusukkut paaqqinnittarfiit marluusut Naja Aleqa-mik ateqartinneqalerput, taamanimiilli Sisimiuni meeqqanik ilaqutariinnillu kinguaariinnut sinaakkuseeqataasimallni..

Meeqqanut, ilaqutaasunt sulisunullu qujanaq

Naja Aleqa ukiuni qulikkaani sumiiffimmi inuiaqatigiit ilaatut pingaaruteqarsimavoq aammalu Sisimiuni innuuttaasuni kinguaariippassuarni sunniuteqarsimalluni.

Sulisorpassuarnut, aqutsisorpassuarnut, angajoqqaarpassuarnut meerarpassuarnullu ukiut  ingerlanerini Naja Aleqap ilaginikuusaanut aammalu illoqarfimmi ilaqutariinnut paaqqinnittarfiup pingaaruteqassusaanut sunniuteqarnikorpassuarnut kommunalbestyrelsi annertuumik qujassuteqarniarpoq.

Meeqqanut, angajoqqaanut, suleqataanikuusunut suleqatigisartakkanullu ataatsimut kaffisoqatigiinnermik paaqqinnittarfiup ullua kingulleq 2026-mi decembarip aappaanni malunnartinneqassaaq.