Qeqqata Kommuniani angallannermut ileqqoreqqusaq nutaaq
Nunap timaani qamutinik motoorilinnik atuinissamut angallannermut ileqqoreqqusamik nutaamik Qeqqata Kommunia kiisami akuersissuteqarpoq.
Indhold
Indhold
Assartuinermut angallavissiatut killilersugaasut immikkoortinneqarsimasut saniatigut, angallannermut nunap annertunerusup atorneqarnissaanut 2014-imili immikkut akuersissutinik suliaqartoqartariaqartarsimavoq. Tamanna tunngavigalugu 2023-mi juunip 22-anni Kommunalbestyrelsi angallannermut ileqqoreqqusamik, nunap timaani angallannissamik ammaassinerusumik suliaqartoqarnissaanik aalajangiivoq.
Ileqqoreqqusaq 2025-mi januaarip 18-ianni atuutilersinneqassaaq, ileqqoreqqusatigullu nunatta timaanik annertunerusumik atuinissatsinnut periarfissiissalluni - minnerunngitsumik misigisassarsiorluni takornarialerinermut inerisaanermut aammali najugaqavissunut iluaqutaassalluni.
Borgmester Malik Berthelsen-imit issuaaneq; Borgmesteri Malik Berthelsen; ”Nunarput apummik qallerneqarsimalluni qaalloriiinnanngoraangat nunatta qanoq alutornartiginera tamatta nalunngilarput, tamatumalu annertunerusumik innuttaasuniit misigisassarsiorfigineqarsinnaanissaa kommunalbestyrelsemiit pingaartipparput. Aammalu ineriartorneq malillugu pissutsinut naleqqussarnissarput isumaqarpugut piffissaasoq. Taamaattumik ukiuni makkunani atugaallualersut ATV-it, UTV-illu illoqarfiup avataani aqqutissatut akuerisaasuni ingerlaarsinnaanerat aamma inerteqqutaajunnaarsipparput.
Erseqqissaatigissavarali pinngortitaq uumasullu mianerisassat eqqarsaatigalugit suli ingerlaarfigeqqusaanngitsunik inerteqquteqassammat, kissaatigivarpullu tamatuma ataqqineqarnissaa.”
Takuuk: https://nalunaarutit.gl/-/media/files/kundgoerelser/2024/kommunal-vedtaegt-nr-71-af-19_12_2024.pdf
