Qinersineq kommunalbestyrelsimut, nunaqarfinni aqutsisunut aamma ilagiit sinniisaannut 2021
2021-imi Marlunngornermi aprillip 6-ni nal. 09:00-imiik - 20:00 tungaanut qinersisoqassaaq kommunalbestyrelsimut,
nunaqarfinni aqutsisunut aamma ilagiit sinniisaannullu.
Qinerneqartussat amerlassusaat
Qinerneqartussat amerlassusaat
Kommunalbestyrelsimut qinerneqartussat:
- Kommunalbestyrelsimi ilaasortat 15-iussapput.
Nunaqarfinni aqutsisut qinerneqartussat:
- Kangerlussuarmi nunaqarfinni aqutsisut 3-iussapput.
- Kangaamiuni nunaqarfinni aqutsisut 3-iussapput.
- Sarfannguit - Itilleq ataatsimoorussamik nunaqarfinni aqutsisut 5-iussapput.
- Atammik - Napasoq ataatsimoorussamik nunaqarfinni aqutsisut 5-iussapput.
Qinigassanngortittut allattorsimaffiisa tunniunneqarnissaannut piffissaliussaq
Qinigassanngortittut allattorsimaffiisa tunniunneqarnissaannut piffissaliussaq
Kommunalbestyrelsimut qinigassanngortittunut:
Kommunalbestyrelsimi qinigassanngortilluni nalunaarneq pissaaq nalunaarsuiffissatut allaffissiap immersorneratigut. Nalunaarut qinersivimmi qinersinermik siulersuisunut kingusinnerpaamik 23. februar 2021, nal. 12:00 sioqqullugu tunniunneqassaaq.
- Kommunalbestyrelsimut qinigassanngortinnermi immersugassiaq uani aaguk (1).
- Kommunalbestyrelsimut partiiniik qinigassanngortinnermi nalunaarnermi immersugassiaq uani aaguk (2).
Nunaqarfinni aqutsisunut qinigassanngortittunut:
Nunaqarfinni aqutsisunut qinigassanngortinneq nunaqarfigisami taaguinermik siulersuisumut nalunaarutigineqassaaq, nalunaarsuiffissatullu allaffissiaq immersorneqarluni. Nalunaarut kingusinnerpaamik 23 marts 2021, nal. 12:00 sioqqullugu tunniunneqassaaq.
- Nunaqarfinni aqutsisunut qinigassanngortinnermi immersugassiaq uani aaguk (3).
- Nunaqarfinni aqutsisunut partiiniik qinigassanngortinnermi nalunaarnermi immersugassiaq uani aaguk (4)
Ilagiit sinniisaannut qinigassanngortittunut:
Ilagiit sinniissaannut qinigassanngortilluni nalunaarneq pissaaq nalunaarsuiffissatut allaffissiap immersorneratigut. Nalunaarut taaguinermi siulersuisumut kingusinnerpaamik 9. marts 2021, nal. 12:00 sioqqullugu tunniunneqassaaq.
Ulloq qinersivik aammalu qinersivigineqartussat
Ulloq qinersivik aammalu qinersivigineqartussat
Kommunalbestyrelsimut, Nunaqarfinni aqutsisunut aamma ilagiit sinniisaannut qinersineq pissaaq 6. april 2021, piffissami nal. 9:00-miit 20:00-imut.
Init taasisitsivissat qinersinermilu aqutsisussat
|
Sumiiffik
|
Ini taasisitsivissaq |
Qinersinermi aqutsisoq |
|
Sisimiut
|
Taseralik |
Nike Berthelsen |
|
Sarfannguit
|
Innuttaasunik Sullissivik |
Jakobine Jonathansen |
|
Itilleq
|
Innuttaasunik Sullissivik |
Piitaaraq Sigurdsen |
|
Maniitsoq
|
Katersortarfik |
Aalipaaraq Kreutzmann |
|
Kangaamiut
|
Innuttaasunik Sullissivik |
Louisannguaq Rosing |
|
Napasoq
|
Innuttaasunik Sullissivik |
Hansine Møller |
|
Atammik
|
Innuttaasunik Sullissivik |
Lea Poulsen |
|
Kangerlussuaq
|
Innuttaasunik Sullissivik |
Vivi S. Grønvold |
Kikkut qinersisinnaatitaappat?
Kikkut qinersisinnaatitaappat?
Kinaluunniit ataani pineqartut tamakkerlugit naammassigunigit qinersisinnaatitaavoq:
- Kinaluunniit ullormi qinersiffiusumi 18-inik ukioqalersimasoq.
- Qinersinissaq sioqqullugu sapaatit akunnerini arfinilinni Qeqqata Kommuniani aalajangersimasumik najugaqarsimasoq.
- Danskisut innuttaassuseqartoq.
- Qinersineq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugarsimasoq, imaluunniit sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq.
Qinersisinnaanermik atatitsiinnarnissamut qinnuteqarnissamut periarfissaqarputit, ataani piumasaqaatigineqartut naammassigukkit:
- Ilinniagaqarlutit Kalaallit Nunaata avataaniikkuit.
- Peqqinnissamut tunngasunik peqquteqartumik Kalaallit Nunaata avataaniikkuit.
- Kalaallit Nunaanni qinigaallutit folketingimi ilaasortaanerit peqqutaalluni Danmarkimiikkuit.
- Namminersorlutik Oqartussanut sinniisuullutit Kalaallit Nunaata avataaniikkuit.
- Kalaallit Nunaata avataaniinnerit qulaani taaneqartunut sanilliunneqarsinnaasunik peqquteqarpat.
Qinersisinnaanermik atatitsiinnarnissamut uuma immersorneratigut (6) qinnuteqarit, uungalu nassiullugu [email protected]
Kikkut kommunalbestyrelsimut qinersinermut qinigassanngortissinnaappat?
Kinaluunniit qinersinissamut piumasaqaataasunik naammassinnittoq qinigassanngortissinnaavoq.