Sisimiut aqutsiveqarfiani umimmannik pisanik nalunaaruteqarnissaq

Qeqqata Kommuniata Naalakkersuisoqarfiup ingerlateqqippaa inuussutissarsiutigalugu aamma sunngiffimmi piniartut Sisimiut aqutsiveqarfiani ukioq manna 2026-mi umimmanniarnermut akuersissutinik - tassa licensinik - pissarsisut pisanik nalunaaruteqaqqullugit saaffiginnissutaa. Tamanna sunngiffimmi piniartunut akuersissutinik makitaasunut aamma atuuppoq.

Sisimiut aqutsiveqarfiani umimmanniarneq piffissami 1. Aggustimiit 2026 15. Oktobari ilanngullugu ingerlavoq, pisassat 300-iullutik, taakkunannga 225-t inuussutissarsiutigalugu piniartunut 75-llu sunngiffimmi piniartunut agguaanneqarlutik.

Umimmanniarnermut akuersissuteqartut allattorsimaffii Naalakkersuisoqarfimmi aamma Qeqqata Kommuniani pigineqartut malillugit suli maannamut pisanik nalunaaruteqarnikuunngitsut amerlapput, tamannalu ukiuuneranut pisarinngitsuukkanik nuussiniarnissamut akornutaasinnaassaaq.

Ilutigalugu inuussutissarsiutigalugu piniartunut aamma sunngiffimmi piniartunut tamanut eqqaasitsissutigissavarput tuttut aamma umimmaat piniagaanerat illersugaanerallu pillugit nalunaarutit atuuttut malillugit aappaagu akuersissutinik qinnuteqarsinnaassagaanni pisanik nalunaaruteqarnissaq inatsisitigut piumasaqaataammat.

Tamanna isumaqarpoq inuussutissarsiutigalugu piniartut aamma sunngiffimmi piniartut 2026-mi pisanik nalunaaruteqarsimasut 2027-mi akuersissutinik kisimik qinnuteqarsinnaassasut. Taamaammat umimmannillu pisanik tuttunik nalunaaruteqarnissaq pingaaruteqartorujussuuvoq.

Tuttunik umimmannillu pisanik nalunaaruteqarneq nittartakkakkut www.sullissivik.gl aqqutigalugu pisinnaavoq imaluunniit akuersissummik pisanik nalunaaruteqarnertalimmik kommunimut utertitsinikkut. Pisanik nalunaaruteqarnissamut periarfissat taamaalillutik marluupput. Pisaqarsimanngikkaanni susaarsimanertut nalunaarutigineqassaaq.