Tamanut nalunaaruteqarneq
Kommunip pilersaarusiorfigineqarnerani tapiliussamik nr. 62 tamanut nalunaarutiginninneq, Maniitsumi illoqarfiup qiterpasissuani innarluutilinnut sullissivimmut innarluutilinnullu inissianut immikkoortoq
Indhold
Qeqqata Kommunianut 2012 – 2024 Kommunip pilersaarusiorfigineqarneranut Kommunip pilersaarusiorfigineqarnerani tapiliussaq nr. 62, 2021-imi aggustip 12-ani Kommunalbestyrelsi sinnerlugu Borgmesterimit inaarutaasumik akuersissutigineqarpoq, matumuunakkullu tamanut nalunaarutigineqarpoq.
Maniitsumi nuna tamakkerlugu innarluutilinnut suliffeqarfimmik pilersitsinissaq pillugu maannakkut suliniuteqartoqarnera naammassiniarlugu kommunip pilersaarusiorfigineqarnerani tapiliussaq suliaavoq. Immikkoortup ilaa 700-A7 innarluutilinnut inissianut immikkoortinneqarpoq aammalu immikkoortup ilaa 700-C77 innarluutilinnut sullissivimmut kiisalu biilinut inissiisarfimmik tamanit atorneqarsinnaasumut immikkoortinneqarpoq.
Kommunip pilersaarusiorfigineqarnerani tapiliussaq piffissami 2021-mi juunip aappaaniit 2021-mi aggustip appaata tungaanut tamanut tusarniutigineqarnikuuvoq. Akerliliissutit tiguneqarnikuusut isumaliutigineqarnikuupput, pingaarutilimmilli allannguinissamut tunngaviliinatik.
Pilersaarut kommunip nittartagaatigut https://pilersaarut.qeqqata.gl/ takuneqarsinnaavoq imaluunniit Qeqqata Kommunia, Teknikkimut Avatangiisinullu immikkoortortami pilersaarusiornermut immikkoortortamut saaffiginninnikkut tunniunneqarsinnaalluni.
Tamanut nalunaarut pillugu uanipaasisaqarnerugit.