#Toqqarpara - Qeqqata Kommunia atuartunut unammisitsivoq
Atuartunut tamanut Qeqqata Kommuniani unammisitsisoqarpoq, qulequtaqartumik #Toqqarpara siunissaq pujortarfiunngitsoq.
Indhold
Unammisitsinerup siunertaa:
Qeqqata Kommuniata anguniarpaa atuartut pujortartalinnginnissaat, aammalu innuttaasut pujortartartut ikinnerpaaffianiilernissaannik. HBSC-mi 2020-mi misissuinerup takutippaa 9.-10. klasseni atuartut pingajorarterutaat pujortartartuusut.
#Toqqarpara-mi ussassaarutit assigiinngitsut; qungasequtit, pooqattat eqaarsaarutinut puullu atuartunut tamanut agguaanneqarsimalerput. Aammalu plakaatinik illoqarfinni nunaqarfinnilu nivinngagassanik naqiterisoqarnikuulluni. Ussassaarutinut suliffeqarfik Boehringer Ingelheim aningaasaliisuuvoq.
Aaqqissuussaq ingerlanneqarpoq suliniumminngaanniik ”Inuunerissaarneq”-mit tunngaveqartumik, kommunalbestyrelsip aningaasaliissutaanninngaanniik. Suliniutillu siunertaraa, innuttaasut tamarmik pitsanngorsaataasumik meeraanermiik utoqqalinermut inuunermi atugarissartitsinissaq.