Ukiuunerani umimmanniarnissamut akuersissutit utertitanit makitaasut

Piniarfik 1

Piniarfik 1-mi qumussertartunut allatigullu assartuutinik mototilinnik atuiffiunngitsumik ukiuunerani 2026-mi killilimmik inuussutissarsiutigalugu sunngiffimmilu umimmanniarneq 14. februaarimiit 27. februaari ilanngullugu sapaatip akunnerini marlunni ingerlassaaq.

Piniarfik 1-mi 50-nik umimmattassiisoqarpoq. Taakkunanit akuersissutit marluk utertinneqarput.

Piniarfik 2

Piniarfik 2-mi assartuutinik motorilinnik piniarfimmut piniarfimmiillu assartuutitut atuiffigeqqusaasumik ukiuunerani 2026-mi killilimmik inuussutissarsiutigalugu umimmanniarneq 31. januarimiit 13. februaari ilanngullugu sapaatip akunnerini marlunni ingerlassaaq.

Piniarfik 2-mi 100-nik umimmattassiisoqarpoq. Taakkunanit akuersissutit tallimat utertinneqarput.

Piniarfik 3

Piniarfik 3-mi assartuutinik motorilinnik piniarfimmut piniarfimmiillu assartuutitut atuiffigeqqusaasumik ukiuunerani 2026-mi killilimmik inuussutissarsiutigalugu umimmanniarneq 31. januarimiit 13. februaari ilanngullugu sapaatip akunnerini marlunni ingerlassaaq.

Piniarfik 3-mi 200-nik umimmattassiisoqarpoq. Taakkunanit akuersissutit pingasut utertinneqarput.

Piniarfik 4-mi ukiuunerani umimmanniartoqassanngilaq.

Aqutsiveqarfik Sisimiut

Killilimmik inuussutissarsiutigalugu sunngiffimmilu umimmanniarneq 31. januarimiit 13. februaari ilanngullugu ingerlassaaq.

Sisimiut aqutsiviani 2025-mi aasaanerani ukiaaneranilu umimanniarnermi pisanik nalunaaruteqanngitsut aamma akuersissutinik utertitsinngitsut amerlammata pisarinngitsuukkat amerlassusaat maannamut suli naatsorsorneqarsinnaasimanngillat.

Umimmannik pisanik nalunaaruteqarnissaq nalunaarut nutaaq malillugu piumasaqaataavoq, taamaammat 2025-mi pisanik nalunaaruteqarsimagaanni aatsaat ukioq manna 2026-mi umimmanniarnissamut akuersissutinik qinnuteqartoqarsinnaassaaq. Akuersissutilli arfineq pingasut Sisimiut Aqutsiveqarfianut tunngasut utertinneqarput.

1. Ulloq unnuarlu paaqqinnittarfiit (social-institutionit) pisassinneqassanngillat,

2. Piniarfik 1-mi aamma Aqutsiveqarfik Sisimiuni pisassiissutit 25 pcocentii sunngiffimmi piniarnermut allagartalinnut pisassiissutigineqarput, Umimmaat 12-it Piniarfik 1-mi. Umimmaat 37-it Piniarfik Sisimiut.

3. Sunngiffimmi piniarnermut allagartallit qinnuteqartut inoqutigiit (adresseqatigiit) akornanni ataasiinnaq pisassinneqarsinnaavoq (makitaasinnaavoq); aamma
   Aqutsiveqarfik Sisimiunut aamma Piniarfik 1-mut taakkununnga piniarfinnut marluusunut qinnuteqartoqarsimappat piniarfimmut ataasiinnarmut pisassiisoqarsinnaavoq (makitaasoqarsinnaavoq),

4. Piniarfik 1-mi aamma Aqutsiveqarfik Sisimiuni pisassiissutit 75 procentii inuussutissarsiutigalugu piniarnermut allagartalinnut pisassiissutigineqarput. Umimmaat 38-it Piniarfik 1-mi. Piniarfik Sisimiut umimmaat 113-it. Piniarfik 3 umimmaat 200 piniarnermut allagartalinnut.

5. Piniarsinnaanermut akuersissuteqarneq piumasaqaateqarfiuvoq, inuk pineqartoq akuersissummik tunniussisoqarnissaa sioqqullugu Qeqqata Kommuniani minnerpaamik qaammatini pingasuni ataannartumik najugaqarsimanerminut uppernarsaateqarnissaanik.

Umimattassiissutinik agguaanermut atatillugu makitsinerit ingerlanneqarput marlunngorneq 20. Januar 2026, nal. 15.00. Aalisarnermut piniarnermut siunnersortip allaffiani Amutsivimmi ingerlanneqassalluni.

Aalisarnermut piniarnermullu siunnersorti nalunaarumaarpoq akuersissutit piareerpata, ataani pineqartunut.

Akuersissutinit utertinneqartunit tulliuttut makitaapput:

Piniarfik 1-imi makitaasut:

Piniarfik 2-mi makitaasut:

Piniarfik 3-mi makitaasut:

Sisimiut aqutsiveqarfiani makitaasut: