Isumaginninnermi siunnersortinut aqutsisoq. Meeqqanut Ilaqutariinnullu Immikkoortortami
Qinnuteqarnissamut piffissaliiussaq: 18.12.2026
Sumi/Immikk.: Maniitsoq
Sivisussusaa: Ulloq tamaat atorfik
Ulloq atorfiniffissaq: 1. februar 2027 isumaqatigiissuteqarnikkulluunniit.
Akissarsiaqartitaaneq: Isumaqatigiissut atuuttoq naapertorlugu
Maniitsumi Meeqqanut ilaqutariinnullu immikkoortortami isumaginninnermi siunnersortit aqutsisuat.
Atuagarissaarnermut immikkoortortaq Meeqqanut Ilaqutariinnullu immikkoortumi isumaginninnermi siunnersortitut aqutsisussamik sulianut pikkorissumik, tunniusimasumik piginnaasaqarluartumik, allanngueqataanissamut kajumissuseqartumik pissarsiorpo
Atuagarissaarnermut immikkoortortaq Meeqqanut Ilaqutariinnullu immikkoortumi isumaginninnermi siunnersortitut aqutsisussamik sulianut pikkorissumik, tunniusimasumik pigissaanaqarluartumillu, allanngueqataanissamut kajumissuseqartumik pissarsiorpoq.
Atugarissaarnermut Immikkoortortaq 31-nik sulisoqarpoq taakkulu Meeqqanut Ilaqutariinnullu immikkoortumut, utoqqarnut aamma inunnut innarluutilinnut immikkoortumut aamma pisortaanerup sulisuini inatsisilerinermut, aningaasaqarnermut allattoqarnermullu immikkoortumut agguataagaapput
Isumaginninnermi siunnersortitut aqutsisoq ilanngullugu, meeqqanut Ilaqutariinnullu immikkoortortaqarfik qulingiluanik sulisoqarnissamut amerlassusiligaavoq. Qaninnertut pisortarisassaq tassaaavoq Meeqqanut Ilaqutariinnullu fagchefi
Atorfikkut tassunga siusissukkut paasiniaaneq kiisalu Meeqqanut immikkoortup iluani pinaveersaartitsinermik suliniutinik nukittorsaasoqarniarpoq, taamaattumillu meeqqanut inuusuttunullu ernumanartumik inissisimasunut tunngatillugu isumaginninnikkut suliatigut suliniutinut kiisalu angerlarsimaffiup avataanut inissiisarnissap pinaveersaartinnissaanut atatillugu, Atugarissaarnermut immikkoortortaq Isumaginninnermi siunnersortitut aqutsisumik pisariaqartitsivoq.
Suliassaqarfiit akisussaafigisat:
-Meeqqanut Ilaqutariinnullu immikkoortumi ulluinnarni sulianut akisussaaffiit
-Sulisorisanik isumaginninneq aamma sulisunik ineriartortitsineq
-Sulisut sulinngitsoornerisa intranettikkut nalunaarsorneri
-Qaammammusiat allagartaannik misissuineq atsiornerlu
-Immikkoortumi sulisunut akisussaasuuneq
-Immikkoortumi sulisunik atorfinitsitseqataasarneq soraarsitseqataasarnerlu
-Suliassaqarfiup iluani inatsit atuuttoq pillugu sulisut ataavartumik malinnaatinneqarnissaasa qulakkeerneqartarnerat
-Inatsisit atuuttut malinneqarnissaat qulakkeerlugu
-Immikkoortumi suliat ingerlanneqarneri, suleriaatsit, piffissaliussat anguniakkallu pitsaasut ineriartortissallugit
-Immikkoortumi Atugarissaarnermut Ataatsimiititaliami qinikkanut inassuteqaatit peqqissaartumik qulaajarsimanissaat, pingaarnersiugaalluarsimanissaat inatsimmilu piumasaqaatinut malinnilluartuunissaat qulakkiissallugit
-Suliani imaannaanngitsuni sullissisuusarneq
-Isumaginninnermi pigaartoqarnermik aqutsineq
-Ilaqutariinnik sullissiviup taassumalu immikkoortortaqarfeeraanik, soorlu angerlarsimaffik anaanaq/meereaq, angerlarsimaffinnut pulaartartunik, miljøarbejderinik aamma tarnip pissusiinik ilisimasalinnik suleqateqarnerup akisussaaffiginera
-Aqutsisooqatigiinnut ilaasortaaneq
-Atugarissaarnermut immikkoortortap iluani avataanilu angusaqarfiulluartussamik anguniagalimmillu suleqatigiinnerup qulakkeerneqarnissaanut peqataaneq
-Meeqqanut Ilaqutariinnullu immikkoortortaqarfimmi akiligassanut kiisalu aningaasaliissutinut akuersisartut aappaattut inissisimaneq
-Meeqqanut ilaqutariinnullu immikkoortumut missingersuutinik saqqummiussassanik, missingersuutinut malitseqartitsinissamik missingersuutinullu nalunaarusianik suliaqaqataaneq
-Kommunip meeqqanut ilaqutariinnullu politikkianut siunertanik periusissianillu suliaqarnermi peqataaneq
-Inatsisinik malittarisassanillu atuuttunik malinninneq
-Allaffissornikkut kiisalu sammisanut aalajangersimasunik suliaqarneq
Ilinniakkatigut piginnaasat:
Atorfik Isumaginninnermi siunnersortitut ilinniarsimasumit, Isumaginninnermut tunngassuteqartunik kiisalu Aqutsinermut tunngassuteqartumik ilinniaqqissimasuusinnaasumit inuttalerneqarsinnaavoq.
Naatsorsuutigaarput:
Akissarsiat, atorfinitsitaanermilu atugassarititaasut:
Ilinniarsimaneq aallaavigalugu isumaqatigiissutit naapertorlugit akissarsiaqartitsisoqassaaq, inissamillu innersuussisoqarsinnaalluni.
Pinerlissimannginnermut uppernarsaat:
Atorfik matumani pineqartoq pinerluuteqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni pinerlussimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip Pinerluuteqarsimannginnermut aammalu meeqqanut pinerliisimannginnermik uppernarsaat politiinit tigoreernerata kingorna.
Atorfik pillugu paasissutissat sukumiinerusut pisortap tullersortaanut Dorthe Poulsen email: [email protected] imaluunniit Meeqqanut Ilaqutariinnullu Pisortamut Katrine B. Davidsen oqarasuaat 86 73 89 email: [email protected] atorlugit saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik ulloq 18.12.2026 tigoreersimassavarput.