Sisamanngornermi oktobarip 20-ani tallimanngornermut 21-anut Sisimiuni
ilaqutariinnermut pisortaq suleqatiminik pingasunik ilaqarluni Nuummi
ilaqutariinnikkut isumasioqatigiinnissami peqataassapput.
Isumasioqatigiinnissami Kalaallit Nunaanni ilaqutariinnik sullissivinni
sullissinerup samminissaa pingaarnertut siunertaavoq. Ullunut marlunnut
ingerlanissami nunatta iluaniit avataaniillu saqqumiussinerit
ingerlanneqassapput.
Ilaatigut Norge-miit Oslo-mi, Danmark-imi
Horsens-imi kiisalu Kalaallit Nunaanni Nuummiit Aasianillu ilaqutariinnik
sullissivinni misilittakkat saqqumiunneqassallutik. Canada-mi Nunavuniit aamma
Nuummi peqataatitaqassapput. Taakku Nunavumi ilaqutariinnermut tunngasutigut
assigiinngitsutigut sammisanik oqaluttuassapput. Illoqarfinnit
assigiinngitsuniit saqqumiussat saniatigut, aamma oqallittoqarnissaa
misilittakkanillu workshop-it aqqutigalugit avitseqatigiinnissaq
siunertaappuut.
Isumasioqatigiinneq Naalakkersuisut aaqqissuussarivaat,
kiisalu Ilaqutariinnermut, Kulturimut, Ilageeqarnermut Naligiissitaanermullu
Naalakkersuisumit Mimi Karlsen tikilluaqqusissuussalluni.
Sisimiuni
ilaqutariinnermut immikkoortortap neriuutigivaa, pissarsianik naammattunnguanik
utimut nassataqarnissartik, tassa Qeqqata Kommuniani ilaqutariinnik
sullissinerup qanoq aaqqissuunneqarsinnaaneranut tunngasutigut.