Qeqqata Kommuniani borgmesteri Hermann Berthelsen Ridderkorset af Dannebrog 1. grad-imik saqqarmiulerneqarpoq.
Dronningip ukiuni 40-ni Droninngitut nalliuttorsioneranut atatillugu saqqarmiuliineq pivoq.
Hermann Berthelsen taamatut saqqarmiulerneqarnini tanngassimaarutigalugulu qujamasuutigivaa.
- Taamatummi saqqarmiuligaaneq immini ataqqinaataavoq. Kingusinnerukkullu periarfissinneqaruma nammineerlunga Ataqqinartorsuaq Ridderkorsiliinerani qujassuteqarfigiumaarpara, Hermann oqarpoq.
Hermann Berthelsen-ip saniatigut ilaatigut Kommuneqarfik Sermersuup borgmesteria Asii Chemnitz Narup kiisalu Naalakkersuisut siulittaasuani Naalakkersuisoqarfimmi pisortaq, Peter Schultz aamma Ridderkorsimik saqqarmiulerneqarput.