Ilinniartitaanermi ataatsimiitsitaliap aningaasaqarnermullu ataatsimiitsitaliap aalajangerpaa Atuarfik Kilaaseeqqami trin 1-mut tunngatillugu 1. december 2022 aallarnerfigalugu ulloq naallugu atuarfik atuutilissasoq. Imaappoq fritidshjem, angajoqqaat akiliillutik 1.-3. klassertunut sunngiffimmi neqeroorut atorunnaalerpoq, aamma ornittagaq, skolepasning, akeqanngimik 1.-3. klassertunut sunngiffimmi neqeroorut. Ulloq naallugu atuarfik angajoqqaanut aningaasartuutaassanngilaq.
December aallarnerfigalugu 1. klassit marluk maannakkut ornittakkami atuartalissapput, aamma 2. a. Taava maannakkut fritidshjemmimi 2.b. aamma 3. klassit marluk atuartalissapput.
Atuareeraangamik sunngiffimminni ornittagakunngortussamiittassapput 1.-2. klassit akeqanngitsumik. 3.-4. klassit fritidshjemmikunngortussamiittassapput akeqanngitsumik atuilissapput.
Aaqqiineq atuarfiup iluarsartuunneqarnissaata tungaanut iluarsartuussinerullu nalaani atuutinneqassaaq, atuarfillu iluarsartuunneqareerpat nalilerneqassalluni qanoq ingerlariaqqissinnaanersoq aaqqissuussineq.
Iluatsillugu illut taakkua atserneqarnikuunngimmata atserniarlugit atuarfik unammisitsivoq, qanoq ateqarsinnaanerinik. Ukua illuutit pineqarput: ”klubbitoqaq”, qanga ”Inuusuit” aterinikuuaa. Ungdomsklub nutaaq pinngormat atia nassarlugu nuunnikuugami, ungdomsklub ateqarpoq ”Inuusuit”.
Maannakkut fritidshjemmiusoq, ”klubbitoqaq” ateqanngimmat, qanoq ateqarsinnaanersoq siunnersuutinik atuarfik perusuppoq. Aamma maannakkut ornittakkatut illutaa, utoqqaat peqatigiiffittaa ”Kristinemut” atillip illoqataata, ornittagartaa ateqanngimmat qanoq ateqarsinnaanersoq siunnersuutinik atuarfik perusuppoq.
Siunnersuutisi kingusinnerpaamik 29. november nassiussigit uunga: kilaas@kilaas.gl
Atinik tulluarnerpaamik toqqaanermi siunnersuuteqartut eqqugassaqarput 500 kr. Imaappoq ”Klubbitoqqamut” 500 kr eqqugassartaqarpoq ateq siunnersuutigineqartoq atorneqassappat, taamatuttaaq ornittakkamut ateq siunnersuutigineqartoq atorneqassappat eqqugassartaqarluni 500 kr.
Aaqqiineq pillugu paasisaqarnerorusukkussi saaffissaavoq Atuarfik Kilaaseeqqami aqutsisuugallartoq Mina Marie Andersen, mina@kilaas.gl mut allallusi.