2022-mit 2026 tikillugu Pilersaarusiornermut periusissiamut siunnersuut ulloq 24.11.2022 kommunalbestyrelsip ataatsimiinnerani akuersissutigineqarpoq, piffissamilu 06.12.2022-mit 28.02.2023 tikillugu tamanut tusarniutigineqarluni.
Kommunalbestyrelsip, Nunaqarfinni aqutsisut allaffeqarfillu ukiuni tulliuttuni sisamani sunik anguniagaqarlutik sulinerannik innuttaasut paasisimasaqarnissaannut, 2022-mit 2026 tikillugu Pilersaarusiornermut periusissiamut siunnersuut suliarineqarpoq. 2022-mit 2026 tikillugu Pilersaarusiornermut periusissiamut siunnersuut kommunalbestyrelsimi suleqatigiinnissamut isumaqatigiissutaavoq, aammalu Naalagaaffiit Peqatigiit nunarsuarmut anguniagassaata 17-issaat ilanngunneqarnikuulluni.
2022-mit 2026 tikillugu Pilersaarusiornermut periusissiamut siunnersuut arfineq-marlunnik ukkataqarfeqarpoq:
1. Inuunerissaarneq
2. Peqqinneq
3. Meeqqat, inuusuttut meeqqallu atuarfiat
4. Ilinniakkat inuussutissarsiornikkullu siuarsaaneq
5. Kulturi sunngiffillu
6. Aalisarneq piniarnerlu
7. Takornariaqarneq
Immikkoortut ukkataqarfigineqartut tamarmik ukiunut tulliuttunut sisamanut immikkut anguniagassaqarput suliniutitaqarlutillu, taakkulu 2022-mit 2026 tikillugu Pilersaarusiornermi periusissiassatut siunnersuummi atuarneqarsinnaapput.
2022-mit 2026 tikillugu Pilersaarusiornermi periusissiassatut siunnersuutitigut ukiuni tulliuttuni sisamani Qeqqata Kommuniata takorluugai anguniagaalu saqqummiunneqarput.
Pilersaarut uani takuneqarsinnaavoq
Imaluunniit Qeqqata Kommunia, Teknikkimut Avatangiisinullu immikkoortortami pilersaarusiornermut immikkoortortamut saaffiginninnikkut tunniunneqarsinnaalluni.
Tusarniaanermut akissuteqaatit uunga nassiunneqassapput:
Qeqqata Kommunia
Postboks 1014
3911 Sisimiut
E-mail qeqqata@qeqqata.gl
Telefon: 70 21 00