Ataatsimiinnermi Borgmester Malik Berthelsen (S), Arctic Circle Business, siulersuisuni siulittaasoq Anette Lings, siulersuisuni siulittaasumut tullersorti Henrik Sachse atorfilittallu peqataapput. Angallannermi inatsimmi atuutinneqartumi ajornartorsiutaasut ministerimut saqqummiunneqarput, ilaatigut qamuteralannik ATV-nik UTV-nilluunniit aqunniaraanni biilernermut allagaqartaqaqqaartariaqarnissaq.
Nunaqarfinni ajornartorsiutit
Kommunimi aqqusinermi sulisut anartaajaaleriniaraangamik ATV-eerneq ajorput, kisianni ATV-erniarunik sulisut biilernermut allagartaqaqqaartariaqarput, naak nunaqarfinni aqqusineqanngikkaluartoq. Kommunimi aqqusinermi sulisut kommunimit biilernernermut allagartartaarnissaat isumagineqarsimavoq, iluatsippallaarsimanngilarli. Biilernermik allagartartaartinneqartut periarfissanik nutaanik ammaanneqartarmata nunaqarfimminnut uteqqinneq ajormata.
Periarfissat
Angallannermut inatsimmut tunngasut ajornartorsiutit eqqaassanngikkaanni kommunip ATV-nut UTV-nullu Kangerlussuup Sisimiullu akornanni aqqusineq aamma oqaluuserineqarpoq, aamma Sisimiuni talittarfimmik nammineq sanaartorneq. Aqqusineq angallatinut assigiinngitsunut periarfissanik assigiinngitsunik pilersitsisussaavoq, Kalaallit Nunaallu takornariaqarnerulerneranik malitseqartussaalluni. Kisianni aamma innuttaasunut periarfissaqalissaaq, nuna annertooq periarfissaalissammat.
Naalakkersuisoq Ministerilu mittarfimmut, qamuteralattartut peqatigiiffiannut, qamuteralannik ATV-inik UTV-nillu tuniniaasartunut pulaassapput, tassani angallannermut inatsimmi suut ajornartorsiutaasanersut tusassallugit.