Illu qisunnik qallersugaalluni quersuaavoq aappaluttumik qalipaatilik, qalia qasersumik taartumik qalersualersugaasoq aammalu pingasunik teqeqqulinnik avalequteqartunik qisunnik listeqarluni. Iigaq qisunnik saattunik quassuttuuinut atasunik qallersugaavoq. Illup isuani matorsuit illullu saqqaani igalasserfiup qanattaani igalaat aappaluttumik qalipagaapput igalaallu illullu isuini sinaakkutit qaqortumik qalipagaallutik. Illup nutaanngitsup aserfallatsaalineqartannginneratigut ajoraluartumik qanoq issusaa ajorluinnartunngorsimavoq, nakkaateratarsinnaanermullu navianartorsiulersimalluni.
Toqqorsivik eriagisaq
Illu Katersugaasivimmut toqqorsivittut, illup qanoq issusaa apeqqutaalluni killilimmik atorneqarsinnaalluni atavoq. Illu uuttugaalluartuulluni piffissamilu sanaartorfiuneranut naleqquttuulluni, illoqarfiup umiarsualiornermut sanaartorneranut umiarsualiveqarnikkullu ineriartorneranut oqaluttuarisaanikkut pingaaruteqarnera patsisaalluni, kommunimi eriagisassatut inissisimavoq.
Qisuit panernikut oquttullu
Illup saqqaani qisuit quassuttuuilu panernikuupput, sumilu tamani annertuumik oqoqarlutik, tamannalu illup ilusaata annertuumik ueriartorneranut sunniuteqarluni. Qilaani iikkanilu annertuumik putut ilusilulerneranut kinguneqartitseqataasut. Qilaava asiusimanermik nakkaateriaannaavoq. Igalaat aseqqukuupput manngertunisimallutillu. Illup ilai nakkaassimapput quassuttoortaasalu nakkaannissaannut ulorianartorsiorluni. Illumi qalequtit qiversartullu arlaqartut sananeqarnerani atorneqartunit allaanerupput. Illu siunissamut attatiinnarneqassappat atorneqarsinnaaneralu qulakkeerneqassappat, illumik sananeqaqqaarneratulli iluarsartuunneqarnissaanik pisariaqartitsisoqassaaq.
Illup ingutserneqarnissaa patsisaalluni eriagisassatut inissisimanerata atorunnaarsinneqarnissaa kommunalbestyrelsimit ulloq 28. september 2023 akuersissutigineqarpoq. Tusarniaassutigineqarneranut oqaasissaqaruit uunga allassinnaavutit: piet@qeqqata.gl kingusinnerpaamik 05.01.2024.
Tamakkiisoq assillu uani takukkit: Tusarniaaneq