Taekwondomik timersuutilik angusarissaartoq

Juunip ulluisa 19-anni Sisimiut aasarpalaarluinnalersoq Taekwondotartoq Johannes Reimer Koreameereerluni angusarissaarluarluni Sisimiunut tikippoq, oqaluttuarisaanermilu siullerpaamik nunatsinni 8Dan-mik qitequteqartoqalerluni.

Borgmesteri sinnerlugu kommunalbestyrelsimut ilaasortaq Navarana Lennert-Andersenip ima oqalugiarfigaa:

- Johannes Reimer oqaluttuarisaanermi aatsaat taama qaffatitsigisumik 8DAN imik angusaqarninni uummammik pilluaqqungaarpatsigit. Qeqqata Kommuniani innuttaasunut minnerunngitsumik meeqqanut maligassiuisuunerit tamatsinnut naleqartorujussuuvoq.
Nalunngilara kajumissutsimik suliaqartarnermut qanoq inuttut tunniussimatiginissaq pisariaqartiginersoq. Sisimiuni taekwondortartut innuttaasunut timersornermut pingaartitsiuarnersi ersarippoq assullu tangassimaarnarlusi. Siunissami ajunnginnerpaamik kissaasilluta angusannik pilluangaarit.