Aalisarnermut piniarnermullu Naalakkersuisoqarfik ulloq juulip arfineq-pingajuanni nalunaaruteqarpoq Sisimiut aqutsiveqarfiani aasaanerani ukiaaneranilu inuussutissarsiutigalugu aamma sunngiffimmi umimmanniarneq aggustip aallaqqaataaniit oktobarip 15-at 2024 ilanngullugu aallartissasoq. Umimmattassiissutit 300-pput.
Sisimiut aqutsiveqarfiani umimmannik piniarnissamut qinnuteqarnissaq pingasunngornermi juulip qulinganni 2024 ammarneqarpoq.
Qinnuteqarneq marlunngorneq juulip 23-at 2024, nal. 14.00 tungaanut ingerlassaaq. Innuttaasunut Sullissivimmut takkunnikkut qinnuteqarnerit ingerlassapput.
Makitsisoqassaaq sisamanngorneq juulip 25-anni 2024.
Kikkut makitaasimanersut kommunip nittartagaatigut saqqummiunneqassapput, allagarsiivikkullu nivinngaanikkut.
Qinnuteqarnermi piumasaqaataavoq sunngiffimmi piniarnermut allagartaq 2024-imut atuuttoq. Piniarnermut allagartaq kingusinnerpaamik akilerneqarsimasoq apriilip 30-anni 2024.
Qinnuteqarnermi piumasaqaatit uku naammassineqassapput:
• Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
• Ukiut kingulliit qulit iluanni ataannartumik ukiuni marlunni Kalaallit Nunaanni najugalittut inuit nalunaarsorsimaffianni nalunaarsorsimasuunissaq.
• Qinnuteqartup 15-inik ukioqalereersimanissaa.