Meeqqanut sulisunullu ulloq naliginnaasuunngilaq, tassami ullormi maani meeqqat tiimissatik atornagit ulloq atorpaat. Ullorli immikkuullarissuunissaa aamma atuarfiup pisortaata oqaatigaa.
- Meeqqat ukiup atuarfiusup annerpaartaani aqerluusaq tigummisarpaat tassa atuarneq ingerlattarpaat, taamaammat ulloq atuakkersorfiunngitsumik nalliuttorsiornermik assigiinngitsunillu sammisaqarnermik imaqassaaq, Minngortuunnguup Atuarfiani pisortaq Hans C. Jensen oqarpoq.
1949-mi septembarip pingajuanni atuarfik atuleqqaarmat Carl Christian Olsen “Puju” atualeqqaartuni ilaasimasoq ullormi aamma persuarsioqataavoq.
Atuarfimmi pilersaarutaasut ima isikkoqarput: Klassimi ullaakkorsioqatigiinneq, erfalasulerneq, atuarfimmut tunissuteqarneq, atuartut tamaasa assiliseqatigiinneq, tasiorluni atuarfik kaajallannera, naatitartorneq, angajullerni sammisaqarneq, klassimi nerineq, kiisalu ualikkut klassimi sammisaqaqatigiinneq sikutornerlu.
Sisimiuni innuttaasut piumasut atuarfimmut najuukkusuttut nal.: 14:00-miit 16:00-mut tikilluaqqusaapput.