Peqqinnissaq pillugu ilisimasalinniit kaammattuutigineqartarpoq meeqqat 6-13 akornganni ukiullit nalunaaquttap akunnerini 9-11-ni aammalu inuusuttuaqqat 14-17-illu akornganni ukiullit nalunaaquttap akunnerini 8-10-ni sinittarnissaat.
Atuartut sinilluarsimallutik atuariartortarnissaat sooq pingaaruteqarnersoq Helene Broberg Berthelsenip ima oqariartutigivaa; “Pingaaruteqarpoq atuartut mikinerminniit akisussaaffeqarnermut sungiusalereernissaat. Tamannami mikinermiit ilikkarneqarsimagaangat inuusuttunngornermi ilinniarfinnullu ingerlaqqinnermi atuarfimmut piffissamullu ataqqinninneq pigiliunneqarsimasarpoq.”
Helene Broberg Berthelsenillu angajoqqaat akisussaasuunerat erseqqissaatigaa; “Angajoqqat atuartuutiminnut akisussaaffik annerpaaq tigummiarpaat. Atualeqqaarnermiit atuarnerup naammassinissaata tungaanut atuartup aalajangersimasumik sinaakkuteqarluni inuiaqatigiit akorngannut appakaannissaanut angajoqqaaminit piareersarluarneqarsimanissaa tapersersorneqarnissaalu pingaarutilerujussuuvoq. Inuunitsinnilu tamarluinnatta toqqissilluta ineriartortitsissagutta atuartuutinnguatsinnut tamanna ilikkartittariaqarparput.”
Inuiaqatigiinnullu borgmesteri Malik Berthelsen ima aperivoq; ”Ukiut qulit qaangiuppata meerartatta qanoq inissisimanissaat kissaatigaarput? Ernumassutiminillu imatut nangilluni” Meeqqat atuarfiannut inuiaqatigiittut ullumikkut ileqqorput allanngortinneqanngippat, ernumassutigivara ullumikkut atuartut affaasa missaat ilinniagaqalertarnerat, taakkunanngalu 20%-ii inuussutissarsiutigalugu ilinniarfinnut ingerlaqqittarnerat, ukiut 10-it qaangiuppata suli ullumikkutuulli inissisimanissaa.”
Taamaattumillu borgmesteri ilungersortumik imatut kaammattuuteqarpoq, “Ullumikkut atorfiit aalajangersimasumik inuttaleruminaatsinneqartut siunissami inuttalerneqassappata, taava meerartatta angisuumik anguniagaqarnissaannut takorluuisinnaassuseqarnerulersittariaqarpagut. Inuunermimi anguniagaqarneq inuunermi akorngutaanani, ineriartuutaasarpoq,” taamak Malik Berthelsen, naggasiivoq.
Qeqqata Kommuniata Helene Broberg Berthelsen aamma Mitdlarak Lennert meeqqat atuarfiini inerisaanissaq siunertaralugu pikkorissaasutut suleqatigivai.
Misissuinerit inerneri uani takukkit 5-7 klasse
Misissuinerit inerneri uani takukkit 8-10 klasse