Meeqqerivinni nerisassanik avataaniik pajunneqarneq Sisimiuni ingerlaannassaaq
Meeqqerivinni angajoqqaat sinniisai sulisullu akornanni tusarniaaneq ingerlanneqareernerisa kingorna, avataaniik nerisassanik pajunneqarneq ingerlaannarnissaa isumaqatigiissutigineqarluni kissaatigineqarpoq.
Angajoqqaat sulisullu erseqqissaapput sulisussaaleqineq meeqqanut tuttussaanngitsoq – meeqqat qitiutinneqartuaannarnissai kissaatigineqarluni.
Politikeriniik ukiut sisamakkaarlugit nalilerneqartarpoq meeqqerivinni nerisaqarneq ingerlanera taamatuttaaq avataaniik pajutsinneq ingerlaannassanersoq imaluunniit allatut aaqqiisoqassanersoq, tusarniaanerullu kingorna erseqqissumik suaarutigineqarpoq avataaniik nerisassanik pajunneqarneq ingerlaannarnissaa kissaatigineqarluni.
Taamaattumik Qeqqata Kommuniap Sisimiuni meeqqerivinnut nerisaqartitsineq suliariumannittussarsiornermi neqeroortitseqqinnissaq ingerlateqqilerpaa, meeqqanut 450-inut meeqqeriviini 8-ini Sisimiuni nerisassanik pilersuineq pillugu, paasisaqarnerugit link una toorlugu.
Qeqqata Kommuniap angajoqqaat sulisullu peqataaqataanerannut qujassuteqarpoq – suleqatigiinneq ingerlalluarnissaa qilanaartuutigaarput meeqqallu peqqissuunissaannik, assigiinngitsunik aamma toqqissisimasumik nerisassanik pilersorneqarnissaat anguniarlugu.