Neqeroortitsineq

Qeqqata Kommuniata Sisimiuni meeqqerivinni ullaap tungaani ualikkullu meeqqanut nerisaqartitsinissamut tamanut suliariumannittussarsiuussivoq.

Neqeroortitsineq Sisimiuni meeqqerivinnut meeqqanut katillugit 450-nut  (0-1 år 64 = 1-6 år 386) meeqqerivinnut arfineq-pingasunut agguataarsimasunut nerisassanik peqqinnartunik nikerartunillu tunniussisarnissamik imaqarpoq.

Annertussusia

Pajugutigineqartussat:

• Ulluinnarni meeqqanut tamanut ullaap tungaani ualikkullu nerisassat.
• Aasaanerani (1. maj - 31. august):
  • Ullut marluk ullaap tungaani nerisasat kissartut (Kalaalimerngit)
  • Ullut pingasut ullaap tungaani nerisassat kissartuunngitsut
• Ukiuunerani (1. september - 30. april):
  • Ullut pingasut ullaap tungaani nerisassat kissartut (Kalaalimerngit)
  • Ullut marluk ullaap tungaani nerisassat kissartuunngitsut
• Immikkut pisariaqartitsisut:
  • Meeqqanut uppernarsaatilimmik, angajoqqaat, meeqqerivik peqqinnissaqarfillu qanimut suleqatiginerisigut, sapigalinnut nerisassanik immikkuullarissunik nerisassiortoqartassaaq.
  • Meeqqanut ataasiliineqanngitsunut nerisassanik aserortikkanik nerisassiortoqartassaaq.

                            

Paaqqinnittarfiit meeqqallu amerlassusaat

Institution	Adresse	Alder	Antal børn		Antal børn
Naja Aleqa	Kaaliikassaap aaq. 37	0-1 år	5	1-6 år	39
Ungaannguaq	Nikkorsuit 21	0-1 år	5	1-6 år	39
Nuka Sisimiut	Muunup aqq. 2	0-1 år	7	1-6 år	45
Naalu	Fahlip aqq. 5	0-1 år	8	1-6 år	48
Nuniaffik	Adammip aqq. 4a	0-1 år	9	1-6 år	53
Uiaq	Eqqaavimmut 15	0-1 år	10	1-6 år	54
Kanaartaq	Nalunnguarfimmut 1	0-1 år	10	1-6 år	54
Nattoralinnguaq	Emiliap aqq. 16	0-1 år	10	1-6 år	54
I alt			64		386

 

Katillugit: Paaqqinnittarfiit arfineq-pingasut – meeqqat 450  (0-1 år 64 = 1-6 år 386)

Nerisassanut piumasaqaatit

Ullaap tungaani nerisassat kissartuunngitsut:

• Iffiat nalinginnaasut imaluunniit aseqqorluttunik iffiukkat, assigiinngitsunik qallersuusikkat naatitalikkallu.
• Meeqqamut ataatsimut iffiat affat pingasut.
• Iffiat, tarnutit, naatitat qallersuutissallu immikkoortillugit tunniunneqartassaput taamaalillutik meeqqat namminneq taniisinnaaniassammata.

  Ullaap tungaani nerisassat kissartut:

• Ukiup qanoq ilinerani kalaaliminernit aallaaveqassapput.
• Sapaatip akunneranut minnerpaamik ataasiarluni aalisakkat neqillu ilaatinneqassapput.
• Sakkortuumik akulinnik aarrulluunniit neqaanik ilaqartinneqassanngillat.

  Ualikkut nerisassat:

• Paarnat, naatitat, bollut, knækbrødit, immussuarnik qallersukkat, issingiassat seqummarlukullit, yoghurtit il.il.
• Qaammaammut ikinnerpaamik ataasiarluni aalisakkat panertut nikkullu.
• 21. December Ullukinnersiorneq Paaqqinnittarfinnut arfineq-pingasuusunut tamanut juullimi nereqatigiinneq.
• 1. juni paaqqinnittarfiillu nalliuttorsiornerini nerisassat nalliuttorsiorpalaartut sassaalliutigineqartassapput.
• Paaqqinnittarfiit angalaarnissanut taquassanik inniminniisinnaassapput.

   

  Piumasaqaatit nalinginnaasut:

• Nerisassat peqqinnitartuussapput, inuussutissaqarluartut nerisassanillu nutaaniit nerisassiaassallutik.
• Nerisassat kissariaannaat akuerineqanngillat.
• Meeqqanut nerisaqarnissamut siunnersuutit pisortatigoortut (Paarisa aamma Nerisaqarnermut siunersuisooqatigiit innersuussutaat) malinneqassapput.

 

Annertussutit akigititanullu tunngavigisat pillugit ilassutitut ersarissaanerit

Akigititamut tunngavigisaq:

Isumaqatigiissutini siuliini meeqqamut ataatsimut ulloq ataaseq akiatut naatsorneqartarpoq aammalu meeqqat amerlassusaanni allannguutit ingerlaavartumik nalimmassarneqartarlutik. 

Neqeroorummi akigititami tamakkiisumi meeqqamut ataatsimut ullormut ataatsimut periuseq aallaavigalugu akimik aalajangersaasoqassasoq kommunip naatsorsuutigimmagu erseqqissaatigineqassaaq. Meeqqat amerlassusaanni allannguutaasinnaasut isumaqatigiissumi aalajangersakkat naapertorlugit nalimmassaanermik malitseqassapput. 

Akigititanik nalimmassaaneq

Siusinnerusukkut sullissinermi tamakkiisumik akeq siusinnerusukkut Naatsorsueqqissaartarfiup nerisassanut atuisunut akit tunngavigisai malillugit ukiumut nalimmassarneqartarpoq.

Nerisassanut akigititaq kingullertut tamanut saqqummiunneqartumut innersuussilluni akigititanut nalimmassaaneq ukiut tamaasa januaarip aallaqqaataani nalimmassarneqartassammat kommunip uppernarsarpaa.

Annertussutsimut tunngavigisaq:

Naatsorsuinermut tunngavissatut neqerooruteqartup ukiumut 251 missaani tunniussinissamik naatsorsuisinnaavoq.

 

Sapigallit nerisassallu immikkuullarissut

Pitsaassuseq takunnissinnaanerlu qulakkeerrneqarnissaanut sapigalinnut nerisassat immikkoortunut tullinnguuttunut agguataarsimassapput:

1. Immikkoortoq 1: Nerisassat qajuusaqaratillug laktoseqanngitsut.
2. Immikkoortoq 2: Nerisassat akuutissanik ataasiakkaanik akoqanngitsut imaluunnit nerisassanik piareersaarnermi tulluarsakkat.
3. Immikkoortoq 3: Assigiinngitsunik sapigalinnut kisimiilluni nerisassat (nalinginnaasumik nerisassanut pilersaarummit 30 procent aaallugu nerisinnaasut).

Paaqqinnittarfiit, angerlarsimaffik peqqinnissaqarfimmilu sulisunik suleqateqarluni meeqqat peqqissartunik nalunaarnissamut suususersinissamullu periutsinik ersarissunik suliaqartoqassaaq.  

Ilassutitut erseqqissaat:

Sapigalinnut immikkullu nerisassanik akilersuinermi annertunerusumik takunnissinnaassuseqarnissaa pillugu kissaatigineqartoq kommunip nassuerutigaa.

Taamaattumik neqerooruteqartoq - Ilanngussaq 1-imut ilanngussatut - tamanna kissaatigineqarpat suussutsinut tamanut akigitinniakkamut (assersuutigalugu tapit procentinngorlugit) nassuiaammik immikkoortumik ilanngussissaaq, taamaattorli Ilanngussaq 1-imi pingaarnertut tamakkiisumik akeq suli allanneqassaaq. 

Nerisassanut pilersaarut suleqatigiinnerlu

• Sapaatit akunneri tallimakkaartumik nerisassanut pilersaarummik piffissap aallartinnissaanut kingusinnerpaamik sapaatip akunnera sioqqullugu tunniunneqartussamik suliaqartoqartassaaq.
• Nerisassanut pilersaarutit paaqqinnittarfinnut aamma meeqqeriveqarnermut allaffimmut nassiunneqartassapput kommunillu nittartagaani tamanut saqqummiunneqartassallutik.
• Pisiortorfiup paaqqinnittarfiillu akornanni ingerlaavartumik oqaloqatigiittoqartassaaq suleqatigiittoqartassallunilu.
• Naammagittaalliuutit pisiortorfiup paaqqinnittarfiullu kalluarneqartup akornanni suleqatigiinnikkut qaanngerneqartassapput.

Nakkutilliineq oqaloqatigiinnerlu

Ikinnerpaamik qaammammut ataasiarluni nerisassanik misileraasartussamik nakkutilliisussamik, Ilinniartitaanermut immikkoortortaq toqqaassaaq.

Meeqqerivinni pisortat, meeqqeriveqarnermut pisortap aamma pisiortarfiup kiisalu angajoqqaat sinniisaata akornanni qaammatit pingasukkaarlugit ataatsimiittoqartassaaq.

Akit isumaqatigiissullu

• Assartuineq ilanngullugu piffissap isumaqatigiissusiorfiusumut tamarmut akimik aalajangersimasumik neqerooruteqartoqassaaq.
• Isumaqatigiissutip sivisussusia: 1. januar 2026 - 31. december 2029
• Meeqqat amerlassusaasa allanngornerini aki nalimmassarneqassaaq.

Neqeroortitsinermut iluseq piumasaqaatillu

Neqeroortitsineq Inatsisartut inatsisaat nr. 11, 2. December 2009-meersoq naapertorlugu ingerlanneqarpoq.

Neqerooruteqartoq neqeroorummik tunnissinerrmi aningaasartuutinut nammineq akiliissaaq.

Qeqqata Kommunia neqeroorutit tamaasa itigartinnissaanut imminut pisinnaatippoq.

Neqerooruteqartumut piumasaqaat

Neqeroorummut ilanngunneqassapput:

• Sulianut assingusunut (ukiut pingasut kingulliit) attavissanut allattorsimaffik
• Pisortanut akiitsut pillugit ilumuussutsimut neriorsuinermullu nalunaarut
• Ukiunut kingullernut pingasunut ukiumut naatsorsuusit (kukkunersiuisumit atsiorneqarsimasut)
• Nerisassiorsinnaanermut akuersissummut uppernarsaat
• Suliffeqarfimmit, pitsaassutsimik qulakkeerinninnermut namminerlu nakkutilliinermut allaaserinnissut

Ilassutitut oqaaaseqaatit - atuartut suliffimmillu misiliisut:

Suliffimmik misiliinissamut atuartunulluunnit inissaqartitsinikkut pisiffigisartagaq sumiiffimmi inuiaqatigiinnut tunniussaqarnissaa suli kommunip kajumissaatigivaa, kisianni taanna uani neqeroortitsinermi pisortatigoortumik piumasaqaataanngilaq. Taamaattorli Ilinniartitaanermut immikkoortortaqarfimmik taanna pillugu suleqatigiinnissamik isumaqatigiissummik immikkuullarissumik isumaqatigiissusiortoqarsinnaavoq.

 

                 

Neqeroorutinik naliliineq

Tunniussinissamut najoqqutassat

Isumaqatigiissut pingaartitatut piumasaqaataasoq tullinnguuttumik akikinnerpaamik akit pitsaassullutillu akornanni akeq / aningaasartuutit annikinnerpaat /pissutsit pitsaanerpaat akornnani piumasaqaataasunut naapertuuttumik tunniunneqassaaq.

Isumaqatigiissummik tunniussineq

Isumaqatigiissut Suliakkiuteqartumut aningaasatigut pitsaassutsikkullu akikinnerpaaffissamik / aningaasartuutikinnerpaaffissamik / pitsaanerpaaffissamik ataatsimut isigalugu neqerooruteqartumut tunniunneqassaaq.

Neqeroorutinik naliliinerup inernera naliliinerup naammassineqarnerata kingorna neqerooruteqartunut piaartumik nalunaarutigineqassaaq.

Peqataanissamut mattunneqarneq

Peqataanissamut mattunneqarneq

Suliffeqarfiup taassumaluunniit siulersuisuisa qullersaqarfiataluunniit ukiut kingulliit sisamat ingerlanerini pissutsit ilaat uku ataaseq arlallilluunniit eqqartuussutigisimappatigit Neqerooruteqartoq suliariumannittussarsiornermit peqataasinnaajunnaassaaq:

1. akiliilluni pinerluuteqarneq, peqquserlunneq imaluunniit niuernikkut unammilleqatigiinnermik annikillisitsisumik ingerlataqarneq,
2. aaqqissuussaasumik pinerlunniaqatigiinnut peqataaneq,
3. peqqarniisaarnernut imaluunniit peqqarniisaarnermut atatillugu pineqaatissiissutigineqarsinnaasumik iliuuseqarsimanerit,
4. aningaasanik peqquserlunnikkut pissarsiarisimasanik malunnarunnaarsaaneq imaluunniit peqqarniissaarniartarnernut aningaassaliissuteqartarneq, imaluunniit 5) meeqqanik sulisitsineq imaluunniit inunnik niueruteqarneq.

Aammattaaq suliffeqarfik ima iliuuseqarsimappat Neqerooruteqartoq peqataanissamut mattunneqarsinnaavoq:

1. Kalaallit Nunaanni nunamiluunniit allami suliffeqarfiup pilersinneqarfiani akileraarutinik akitsuutinillu 100.000 DKK-it sinnerlugit amerlassusilinnik akilerneqanngitsunik akiitsoqarpat, tamanna atuutissanani suliffeqarfik akiitsut ilaannut 100.000 DKK-it sinnerlugit amerlassusilinnut qularnaveeqqusiisimappat imaluunniit akiitsut akilersorneqarnissaat pillugu isumaqatigiissuteqarsimappat isumaqatigiissummilluunniit malinnissimappat,
2. akiliisinnaajunnaalerpat, aaqqissuuteqqinnissamut atorunnaarnissamulluunniit sulissutigineqarpat imaluunniit taamaaqataanik inissisimappat,
3. ukiuni kingullerpaani pingasuni inuussutissarsiutip ingerlatami ingerlanneranut atatillugu annertuumik sumiginnaasimappat, tassunga ilanngullugu Namminersorlutik Oqartussanut kommuninulluunniit isumaqatigiissummik eqquutsitsisimanngippat, isumaqatigiissutip pineqartup atorunnaarsinnissaanik kinguneqartumik, imaluunniit
4. ukiuni kingullerpaani pingasuni piaaraluni Namminersorlutik Oqartussanit suliariumannittussarsiuussinermut atatillugu eqqunngitsunik paasissutissiisimasoq

 

Neqerooruteqartup neqerooruteqarnermi ilagisaatut nalunaarut atsiorsimasoq ilanngullugu nassiutissavaa Kalaallit Nunaanni Namminersorlutik Oqartussani neqerooruteqarnermut uppernarsaat, Neqerooruteqartup siuliani allassimasut ilaannut ataatsimut arlalinnulluunniit ilaannginnerminut uppernarsaataa.

Naammagittaalliorsinnaanermut ilitsersuut

Naammagittaalliornissamut ilitsersuut

Naammagittaalliuutit, Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaat nr. 7, 12. juni 2019-imeersumi aalajangersakkat naapertorlugit (tamatuma kingorna neqerooruteqartarnermut naammagittaalliuuteqartarfik pillugu inatsit) Pisortat Pisiortortarneranni Neqerooruteqartitsinermi Maalaaruteqartarfianut nassiunneqassapput.

Naammagittaalliuut suliamut tunngatillugu ilanngussartalik suliakkiuteqartup

naammagittaalliuutaata inerniliiffigineqarnerata aalajangiiffigineqarnerataluunniit kingorna

kingusinnerpaamik sapaatit akunneri sisamat qaangiunneranni allaganngorlugu

Neqerooruteqartarnermut Naammagittaalliuuteqartarfimmut tunniunneqassaaq,

Neqerooruteqartarnermut  Naammagittaalliuuteqartarfik pillugu inatsit § 5, imm.1. takuuk.

Naammagittaalliuutip naammagittaalliuuteqartarfimmut tunniunneqarneranut peqatigitillugu naammagittaalliuuteqartup suliakkiissutini pillugu Suliakkiisumut allaganngorlugu nalunaarutigissavaa. Naammagittaalliuut naammagittaalliuuteqartup Suliakkiisumut naammagittaalliuuteqarfigineqartumut nalunaarutaata assilineranik ilaqartinneqassaaq, Neqerooruteqartarnermut Naammagittaalliuuteqartarfik pillugu inatsit § 5, imm. 2. takuuk.

Pisortat Pisiortortarneranni Neqerooruteqartitsinermi Naammagittaalliuuteqartarfimmut attaveqarnissamut paasissutissat:

Pisortat Pisiortortarneranni Neqerooruteqartitsinermi Naammagittaalliuuteqartarfik.

Imaneq 29, 1. sal

Postboks 689 Nuuk

aua@nanoq gl

 

Neqeroorutinik tunniussineq

Neqeroorutit matoqqasumik allakkanut puulerlugit tunniunneqassapput ima nalunaaqqutserlugit

Meeqqeriveqarnermut allaffimmi pisortaq, Qeqqata Kommunia, Sisimiut

Kingusinnperaamik 21. november 2025 nal. 15.00

Allakkap puua nalunaaqutserneqassaaq:

"Sisimiuni meeqqerivinnut nerisassanik pajuttarnissamik neqeroorut"

Kiisalu neqerooruteqartup atia najugaalu.

Saaffiginninnerit

Apeqqutit uunga saaffiginnissutigineqassapput:

Navarana Lennert-Andersen

Qeqqata Kommuniani meeqqeriveqarnermut allaffimmi pisortaq

Oqar: (+299) 86 74 02

Mail: nava@qeqqata.gl

2025-mi novembarip 14-anni nal. 14:00 - 15:00 Sisimiuni Ilinniartitaanermut immikkoortortami apeqquteqarsinnaanermut ataatsimiisitsisoqassaaq. 

 

                            

Ilanngussaq 1: Neqeroorutigineqartut allattorsimaffiat

NEQEROORUTIT

Suliffeqarfik ataani atsiortoq suliariumannittussarsiuussinermi allakkat kiisalu atortut akii naapertorlugit, tullinnguuttumik suliaqarnissamut ukiuni sisamani neqerooruteqarpoq:

Neqeroorut: Sisimiuni meeqqerivinnut arfineq-pingasunut nerisassanik pajuttarnissaq  kr.

Ukiumut Allannguutaaratarsinnaasut:

____________________________________________________________

Neqeroorut malunnik naqitanngorlugu kiisalu pdf-inngorlugu qarasaasiaq atorlug tunniunneqarpoq.

Ulloq:_________________________

Ateq: _______________________

Najugaq _________________________

Oqar. _________________________

Suliffeqarfiup naqitsissutaa atsiornerlu _________________________