Digitaliseringsstyrelsi Namminersorlutillu Oqartussat suleqatigalugit Qeqqata Kommuniata innuttaasut 24-ani qinersisoqarnissaata tungaanut piffissami paasissutissanik paatsuunganarsinnaasunik eqqunngitsunilluunniit innuttaasut immikkut maluginninniarnissaannik kajumissaarpai.
Sapaatit akunnerini tullinnguuttuni paasissutissanik eqqunngitsunik paatsuungatitsisinnaasuniluunniit immikkut ukkatarinnittoqarpoq. Qinersisoqarnissaata tungaanut oqaluttuanik avissaartuunnermik, eqqissisimannginnermik tatiginnikkunnaarnermilluunniit pilersitsut inuiaqatigiinnut sunniiniarnissaannik avataaneersut misileraasinnaanissaat naatsorsuutigisinnaavarput.
Sumiiffinni assigiinngitsorpassuarni soorlu inuit naapittarfiini, allagarsiivinni, nalunaarutini, videoni, allakkiani, e-mailini digitaliniluunniit iserfissani allani pisinnaapput. Taamaattumik paasissutissat upperinnginnerini ingerlateqqinnginneriniluunniit sissuernissaq pingaaruteqarpoq.
Isumassarsiatsialaavoq ima imminut aperinissaq:
Paasissutissaq tatiginarpa?
Sumiiffinni allani uppernarsarneqarsinnaava?
Aamma sooruna paasisutissaq taannarpiaq massakkorpiaq takugiga?
Kalaallit Nunaannut sunniiniarluni pasititsiniaanernut ataatsimoortariaqarpugut tamallu oqartussaaqataanerput paaralugu. Taamaattumik Qeqqata Kommuniata innuttaasut tamaasa paasissutissanik pissarsianut sissuernikkut ataatsimoornitsinnik mianerinninnermik amlugninniarnissamut ikiuunnissamullu kaammattorpai.
Sammisaq pillugu uani quppersakkami paasisaqarnerugit
